Раёсати корҳои дохилии Душанбе як сокини пойтахтро барои наҷот додани як ҷавондухтар аз ғарқшавӣ қадрдонӣ кард. Дар ин бора сайти пулиси Душанбе хабар медиҳад.
Ин сокини пойтахт Сафаралӣ Ғойибови 21-сола мебошад, ки 24-уми ноябр, духтари 17-солаи сокини шаҳри Ваҳдатро аз ғарқшавӣ дар дарёи Душанбе наҷот дод.
Гуфта мешавад, ки духтари 17-сола гирифтори бемории равонӣ буда, аз болои пули болои дарёи Душанбе, воқеъ дар хиёбони Саъдии Шерозӣ худро ба дарё партофт. Сафаралӣ, ки дар канори макони ҳодиса буд, худро ба дарё афканд ва духтарро аз дарё берун кашид.
Раҳбарии раёсати ВКД дар шаҳри Душанбе, барои далериву ҷасурӣ ва адои қарзи шаҳрвандӣ Сафаралиро бо "Сипоснома" ва дигар туҳфаҳои хотиравӣ қадршиносӣ кардаааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
