Рӯзи 27 январ дар Тоҷикистон 24 ҳолати нави сирояти коронавирус ба қайд гирифта шудааст, хабар медиҳад Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Гуфта мешавад, ки дар як шабонарӯз 23 нафар шифо ёфтаанд. Вазорати тандурустӣ рӯзи 21 январ дар кишвар ҳодисаҳои нави сироятёбиро эълон кард, ки шумори расмии гирифторшудагон ба COVID-19 дар чанд рӯз аллакай 170 нафарро ташкил медиҳад.
Дар сомонаи вазорат қайд карда мешавад, ки дар маҷмӯъ аз оғози пандемия то имрӯз дар Тоҷикистон шумораи гирифторони ин беморӣ 17265 нафарро ташкил дода, шумори умумии шифоёфтагон 1746 нафарро (98,7%) ташкил медиҳад.
То ин дам, теъдоди расмии фавтидагон моҳҳои зиёд бетағйир монда, 124 нафарро ташкил медиҳад.
Дар шароити паҳншавии босуръати бемории COVID-19 дар аксари кишварҳои ҷаҳон дар асоси тадқиқоти илмӣ муайян карда шудааст, ки яке аз роҳҳои асосии пешгирии паҳншавии ин беморӣ эмгузаронии аҳолӣ мебошад", – омадааст дар хабар.
Ҳоло дар кишвар маъракаи эмкунии аҳолии аз синни 18 сола боло бар зидди коронавирус идома дорад.
То 20 январи соли 2022 дар Тоҷикистон 4 миллиону 312 ҳазору 774 нафар ваксинаҳои зидди коронавирус гирифтаанд. Дар маҷмӯъ, 5 миллиону 826 ҳазору 301 нафарро эм кардан лозим аст.
Иммунизатсияи зидди COVID-19 дар кишвар бо 5 намуди ваксина амалӣ карда мешавад: CoronaVac, AstraZeneca, Moderna, Pfizer ва Sputnik V.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
