Соли гузашта сатҳи таваррум дар бахши истеъмолии Тоҷикистон 8%-ро ташкил дод, хабар медиҳад Агентии омори ҷумҳурӣ.
Бино ба маълумоти манбаъ, нархи маҳсулоти ғизоӣ ба миқдори 7,3%, маҳсулоти ғайриозуқа – 7,5% ва хидматрасониҳои пулакӣ ба аҳолӣ – 11,3% боло рафт.
Маҳсулоти озуқаворӣ:
• сабзавот – 16,4%;
• равған ва чарбу – 20,8%;
• маҳсулоти гӯштӣ – 15,1%;
• шакар (қанд) – 4,4%;
• мансуоти нонӣ ва ярма (крупа) – 4%.
Маҳсулоти ғайриозуқа:
• бензин – 1,7 баробар;
• гази моеъ – 1,7 баробар;
• сӯзишвории дизелӣ (солярка) – 1,6 баробар;
• маводи шустушӯйӣ – 4,6%.
Хидматрасониҳои пулакӣ:
• роҳкирои микроавтобус – 45,0%;
• роҳкирои автобуси шаҳрӣ – 17,9%;
• хидматрасониҳо дар соҳаи маориф – 7,8%;
• хидматрасонии тарабхона ва меҳмонхонаҳо – 3,7%.
Нишондиҳандаи ҳадафноки таваррум барои соли 2022 аз ҷониби Бонки миллии Тоҷикистон дар сатҳи 6,0% (+/-2 б.ф.) пешбинӣ шудааст. Дар соли 2021 низ аз ҳамин сатҳи таваррум интизорӣ мерафт.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
