Низом Қосим, раиси Иттифоқи нависандагони Тоҷикистон дар маросими муаррифии нашри нави китобҳои силсилаи “Ахтарони адаб” пешниҳод дорад, 50-силсилаи ин китобҳо ба рӯйхати мероси фарҳанги ғайримоддии ЮНЕСКО пешниҳод шавад.
Силсилаи китобҳои “Ахтарони адаб” осори адибони тоҷик, навиштаҳои назмиву насриро бузургони адаб аз Рӯдакӣ то шоиру нависандаҳои муосирро дар бар мегирад. Ин тарҳ соли 2007 рӯйи даст гирифта шудааст, ки бо маблағгузорӣ аз Фонди захиравии президенти Тоҷикистон Эмомалӣ Раҳмон нашр мешаванд.
Низом Қосим гуфт, ки “нашри осори ниёгон дар адабиёт таҷрибаи хуб аст ва метавонем онро дар як маҷмаа ба ҷаҳониён муаррифӣ намоем”.
Нашри нахустини китобҳои «Ахтарони адаб» аз бунёнгузори адабиёти форсу тоҷик Абӯабдуллоҳ Рӯдакӣ оғоз шуда, дар идома осори дигар чеҳраҳои барҷастаи адабиёти классикӣ ва муосирон то Мӯъмин Қаноат, Бозор Собир ва Лоиқ Шералиро дар бар мегирад.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
