Муовини сардори Раёсати Вазорати мудофиаи Узбекистон дар умури тарбия ва идеологӣ Ойбек Мамадалиев 25 апрел гуфт, дар рӯзи 9 май баргузории паради низомӣ дар нақша намебошад.
Мамадалиев афзуд, ки дар он рӯз баргузории чорабиниҳои бахшида ба эҳтироми пиронсолон дар назар аст. Намояндаи Вазорати дифои Узбекистон изҳор дошт, ки кишвараш ду соли ахир паради низомӣ баргузор намекунад.
Ахиран Қирғизистон ва Қазоқистон низ эълом карданд, ки дар рӯзи 9 майи соли равон паради низомӣ баргузор намекунанд.
Пештар дар шабакащои иҷтимоӣ хабаре дасти ба даст мегашт, ки дар Тошканд паради низомӣ ба ифтихори 9-уми май баргузор мешавад.
Намояндагони вазорати дифои Ӯзбекистон гуфтаанд, ки дар ин рӯз ба хабаргирии собиқадорони ҷанг мераванд ва барои онҳо барномаҳои идона дар назар аст.
Дар Telegram, Facebook, Instagram, OK ва ВК бо мо бимонед.
