Чанде пеш дар қаҳвахонаи “Лола” воқеъ дар маркази шаҳри Душанбе баллон (зарф)-и гази моеъ таркид. Дар натиҷа одамон ҳам осеб диданду ба худи қаҳвахона низ зиёни зиёди молӣ расид. Аз рӯи ин далел парванда боз шуда, ҳодисаро ВКД ва прокуратураи Душанбе тафтиш мекунанд. Ҷузъиёти тафтишот маълум нест, лекин ба гумони ғолиб, молики қаҳвахона барои истифода бурдани баллони газ ҷарима мешавад.
Зеро истифодаи баллони гази моеъ дар хонаву корхона ва бемористону дигар биноҳо дар Тоҷикистон қатъиян манъ аст.
Истифодаи баллонҳои газӣ танҳо дар ҳавои кушод ҳангоми истироҳат пешбинӣ шудааст, лекин ба ҳеҷ ваҷҳ на дар манзилҳои баландошёна ва дигар биноҳо!
Дар сурати риоя нашудани меъёр ва қоидаҳои бехатарӣ аз сӯхтор бо истифода аз баллони газ ҷаримаи маъмурӣ пешбинӣ шудааст (як нишондиҳанда барои ҳисоб – 64 сомонӣ):
– ба шахсони воқеӣ – дар ҳаҷми аз 3 то 5 нишондиҳанда барои ҳисоб (аз 192 то 320 сомонӣ);
– ба шахсони мансабдор – аз 15 то 20 нишондиҳанда барои ҳисоб (аз 960 то 1 ҳазору 280 сомонӣ);
– ба шахсони ҳуқуқӣ – аз 40 то 50 нишондиҳанда барои ҳисоб (аз 2 ҳазору 560 то 3 ҳазору 200 сомонӣ).
Барои дар давоми як соли баъди таъйини ҷазои маъмурӣ содир намудани кирдори дар қисми якуми ҳамин модда пешбинишуда, ба шахсони воқеӣ ба андозаи аз 5 то 7, ба шахсони мансабдор – аз 30 то 40 ва ба шахсони ҳуқуқӣ – аз 50 то 100 нишондиҳанда барои ҳисобҳо ҷарима таъйин карда мешавад.
Дар сурате, ки агар шумо шоҳиди он шуда бошед, ки чӣ гуна ҳамсояатон ё дигар шаҳрванд меъёр ва қоидаҳои бехатарии зиддисӯхторро риоя намекунад, аз ҷумла дар хонааш аз баллони газӣ истифода мебарад, дар ин бора ба телефони боварии Хадамоти оташнишонии ВКД хабар дода метавонед: 221 – 15 -17; 221 – 47-16 ё бо рақами кӯтоҳи 01.
Қоидаҳои одиро дар хотир дошта бошед
Барои аксарияти сокинони шаҳри Душанбе истифодаи баллони газӣ дар рӯзгор бисёр вақт натанҳо сарфакорӣ, балки дар ҳолати набудани барқ, як роҳи баромадан аз мушкилист. Ва агар дар хонаҳои баландошёна истифодаи онҳо қатъиян манъ бошад, пас дар хонаҳои шахсӣ (ҳавлиҳо) ва кӯчаҳо аз он метавон истифода бурд.
Чанд қоидаҳои одии истифодаи баллонҳои газиро бароятон хотиррасон мекунем, ки ба эмин мондани шумо ва наздикатон аз фоҷеа кумак мекунанд:
– истифодаи танҳо баллонҳои газии нав ё аз санҷиш гузашта (баллонҳоро дар 2 сол 1 маротиба санҷидан зарур аст);
– пур кардани баллонҳо танҳо дар нуқтаҳои махсус, ки барои пур кардани онҳо пешбинӣ шудаанду бо дастгоҳи вазнсанҷӣ, тарозуҳои назоратии таъминкунандаи дақиқи меъёри санҷиш, баллон (зарф) барои гирифтани газ аз баллонҳои барзиёд пуршуда;
– дар хона нигоҳ надоштани баллонҳо, бахусус назди дастгоҳҳои гармидиҳанда ё оташи кушод, инчунин набояд фаромӯш кард, ки баллонҳои газро ба хонаҳое, ки дар онҳо ҳарорат нисбат ба тана (корпус)-и баллон баландтар аст, даровардан лозим нест, зеро ин ба таркиш боис шуда метавонад.
Ва ҳамчунин:
ИЗОБРАЖЕНИЕ
