Сафорати Тоҷикистон дар Русия аз муҳоҷирони тоҷик даъват кард, ки ба хабарҳо дар робита ба даъвати шаҳрвандони хориҷӣ ба хизмати ҳарбӣ дар Русия бовар накунанд ва танҳо ба маълумоти расмӣ таваҷҷуҳ намоянд.
Ин ниҳод, бо нашри як изҳорот дар саҳифаи расмият дар Фейсбук навиштааст, "Сафорати Тоҷикистон дар Русия аз ҳамватанон даъват ба амал меорад, ки ба маълумоти бардурӯғ ва беасос вобаста ба даъвати шаҳрвандони хориҷӣ ба хизмати ҳарбӣ дар Русия, аз ҷумла, муҳоҷирони меҳнатӣ аз Тоҷикистон, ки аз ҷониби шахсони алоҳида ва гурӯҳҳои иғвоангез дар шабакаҳои иҷтимоӣ паҳн мегарданд, дода нашаванд ва танҳо ба маълумоти расмӣ таваҷҷуҳ намоянд".
Ёдовар мешавем, ки ду рӯз пештар, сафорати Русия дар Душанбе ҳам бо нашри изҳорот аз хориҷиёни муқими Русия, аз ҷумла тоҷикон даъват кард, ки ба ҳар гуна маълумоти паҳншуда ва нодуруст дар бораи сафарбарии ҷузъӣ ба сафи артиши ин кишвар бовар накунанд.
