Ду корманди сафорати Ҳиндустон дар Тоҷикистон дар шоҳроҳи Душанбе-Хоруғ ба садамаи нақлиётӣ дучор шуданд.
Ба иттилои Кумитаи ҳолатҳои фавқулодда ва мудофиаи граждании Тоҷикистон, садама рӯзи якшанбеи гузашта, соати 17:00 дар километри 345-уми шоҳроҳи Душанбе-Хоруғ, дар деҳаи Сангевни ҷамоати деҳоти Қалъаихумби ноҳияи Дарвози ВМКБ рух додааст.
“Ронандаи 45-солаи тамғаи "Toyota Land Cruiser", сокини шаҳри Душанбе ҳангоми ҳаракат аз Душанбе ба Хоруғ идораи мошинро аз даст дода, ба девор бархӯрдааст. Дар натиҷаи садама ронанда ва ду мусофири ӯ, шаҳрвандони Ҳиндустон, ҷароҳат бардоштаанд. Онҳо ба беморхонаи вилоятии Дарвоз интиқол дода шуданд», – омадааст дар хабари кумита.
