Вазири мудофиаи Тоҷикистон генерал-полковник Шералӣ Мирзо бо як сафари корӣ ба пойтахти Беларус – шаҳри Минск рафт.
Дар ин бора дар Твиттери худ сардори Раёсати ҳамкориҳои байналмилалии низомӣ – ёвари вазири дифои Беларус оид ба ҳамкориҳои байналмилалии ҳарбӣ Валерий Ревенко хабар дод.
Дар хабар ҷузъиёти дигари ин сафар гуфта нашудааст. Дар бораи барномаи сафар дар сомонаҳои вазоратҳои дифои ду кишвар низ хабар дода нашудааст.
Моҳи октябри соли гузашта президенти Беларус Александр Лукашенко бо сафари дурӯза ба Тоҷикистон омада буд. Тавре ки худи ӯ гуфта буд, он замон ӯ бо қариб нисфи ҳайати ҳукумати ин кишвар ташриф оварда буд.
Аз рӯи натиҷаҳои гуфтушунидҳо байни кишварҳо ба маблағи 50 млн доллар қарордордҳо ба имзо расиданд.
