Сардиҳои ногаҳон кишварҳои Осиёи Марказиро фарогирифта як қатор мушкилот ба бор оварданд: қатъи интиқоли барқу гармидиҳӣ ба манзили сокинон, равуои номунтазами нақлиёти ҷамъиятӣ ва ғайра.
Дар ин маводи чанде аз иқдомҳои ҳукуматро дар мавриди осон кардани ҳаёти мардум дар ин рӯзҳои сард манзуратон мегардонем.
Бо сабаби барфрезии зиёд имрӯзҳо кори кормандони Хоҷагии манзилию коммуналӣ ва Раёсати истифодабарии роҳҳо душвор мешавад. Онҳо рӯзонаву шабона машғули кор буда, роҳҳоро тоза мекунанд, бештар дастӣ бо бел. Мошинҳои барфтозакуниро дар Душанбе метавон танҳо дар кӯчаҳои марказии пойтахт дид.
ИЗОБРАЖЕНИЕ
Барои дастгирии ин кормандон мақомоти маҳаллӣ дар ноҳияҳои гуногуни Душанбе онҳоро бо хӯроки гарми севақта ва сарулибоси гарм таъмин намуданд.
Дар давраи обуҳавои сард раиси ноҳияи Мастчоҳ Аъзам Ализода рӯзи 13 январ барои кормандони хадамоти коммуналӣ ва соҳаи энергетика оши палав ташкил кард. Бо ташаббуси ӯ, ба оилаҳои камбизоат бо маводи ғизоӣ ва сӯзишворӣ кумак расонида шуд.
