Дар соли 2022-юм 650 нафар варзишгарон ба хазинаи варзишии кишвар 548 нишон ворид намудаанд. Ин шумора нисбат ба соли 2021 150 нишон зиёд мебошад. Дар ин бора Абдулло Раҳмонзода, раиси Кумитаи ҷавонон ва варзиш имрӯз, 10-уми феврал, зимни нишасти матбуотӣ, хабар дод.
Ба гуфтаи ӯ, варзишгарони тоҷик дар соли 2022 ба 64 мусобиқаҳои сатҳи байналмилалии варзишӣ рафтаанд, ки миёнашон 34 нафар занони варзишгар ҳам будааст.
“Варзишгарони тоҷик давоми соли 2022 ба хазинаи варзишии кишвар 548 нишон оварданд, ки аз он 150 медали тилло, 162 нуқра ва 236 медали биринҷӣ аст. Ин нисбат ба соли 2021-ум 47 нишони тилло, 41 нуқра ва 62 биринҷӣ, дар маҷмӯъ 150 нишон зиёд мебошад”, – гуфт Раҳмонзода.
