Рӯзи 20 апрели соли равон Намояндаи доимии Ташкилоти Оғохон оид ба рушд дар Тоҷикистон (АКДН) Қозидавлат Қоимдодов дар ҷаласаи Вазорати кишоварзии Ҷумҳурии Тоҷикистон иштирок кард.
Дар ҷаласа маросими муаррифии расмии Барномаи Рушди низоми агроозуқаворӣ ва кишоварзии устувор барои давраи то соли 2030 доир гардид.
Дар баробари дигар намояндагиҳои дипломатӣ ва созмонҳои байналмилали Намояндаи доимии АКДН доир ба Барномаи рушди низоми агроозуқаворӣ ва кишоварзии устувор ибрози назар намуд.
“АКДН ва хадамотҳои он шурӯъ аз соли 1993 ҳамчун шарики дерина ва боэътимод ба рушди кишоварзии мамлакат саҳмгузор мебошанд ва феълан дар зиёда аз 45 ноҳияҳои барномаҳо ва лоиҳаҳои кишоварзиро тадбиқ менамояд”, – гуфт ӯ.
Намояндаи доимӣ инчунин оиди зарурияти ҷалб намудани сармояҳои хориҷии шарикони рушдро ба рушди ин соҳаи муҳим дониста, ҳамкориҳои муфиди ояндаро дар комплекси агросаноатӣ изҳор намуд.
