Имрӯз, 2-юми июн, мусобиқаи Гран-прии Душанбе – 2023, ки дар доираи Сайри ҷаҳонии ҷудо баргузор мешавад, оғоз мегардад.
Таври АМИТ "Ховар" хабар медиҳад, дар рӯзи аввали мусобиқа 12 варзишгари тоҷик дар вазнҳои то 60 ва 66 кг миёни мардон ва дар вазнҳои то 48 кг, 52 кг ва 57 кг миёни занон қувваозмоӣ менамоянд.
Мардон
То 60 кг:
— Меҳрзод Суфиев — Йолк Казирбек (Муғулистон)
— Ҳақдод Гулов — Юнес Саддики (Марокаш)
— Муҳаммад Маҳмадизода — Максим Мейрлан (Фаронса)
То 66 кг:
— Эмомалии Нуралӣ дар даври аввал озод буда, дар даври дуюм бо ғолиби ҷуфти Даниэл Капелюшник (Исроил) ва Сунгат Жубаткан (Қазоқистон) рақобат менамояд.
— Обид Ҷебов — Исмоил Мисиров (варзишгари фардии бетараф)
— Шаҳбоз Саидаброров — Ҷаслин Сингҳ Сайни (Ҳиндустон)
— Фирӯз Мелибойзода — Бобур Ваҷиев (Ӯзбекистон)
Занон
То 48 кг:
— Шукрона Карчиева — Вонг Ка Ли (Ҳонконг)
— Мадина Қурбонзода — Асмита Дэй (Ҳиндустон)
То 52 кг:
– Аҳлия Мӯъминова – Йингвей Лю (Чин)
То 57 кг:
— Шоҳида Қаландарова — Батсух Алтантсетсег (АМА)
— Фазилат Гулбоева — Ксения Галитская (варзишгари фардии бетараф)
ИЗОБРАЖЕНИЕ Акси марбута
Мусобиқот дар "Қасри теннис"-и пойтахт баргузор мешавад.
Ёдовар мешавем, ки ин мусобиқа аз 2 то 4-уми июн идома меёбад ва дар он беш аз 300 ҷудокор аз зиёда аз 40 давлати дунё иштирок мекунанд.
Тоҷикистонро ба унвони мизбони Гран-прии Душанбе-2023 34 варзишгар – 28 мард ва 6 зан – муаррифӣ менамояд.
Фонди ҷоизавии мусобиқа 100 ҳазор евроро ташкил медиҳад:
– Ҷойи 1-ум – 3000 евро (варзишгар 2400 ва мураббӣ 600);
– Ҷойи 2-юм – 2000 евро (варзишгар 1600 ва мураббӣ 400);
– Ҷойи 3-юм (2 варзишгар) – 1000 евро (варзишгарон 800 ва мураббиён 200).
Ба ғайр аз ин Гран-прии Душанбе-2023 мусобиқаи интихобӣ ба Бозиҳои олимпии Париж-2024 буда, ба рейтинги варзишгарон хол илова мекунад.
