Шаҳрдории Душанбе хабар додааст, ки имрӯз, 26-уми октябр, дар баъзе маҳаллаҳои пойтахт интиқоли оби нӯшокӣ барои як рӯз қатъ мешавад.
Интиқоли оби нӯшокӣ тавассути истгоҳи обтаъминкунии “Ҷанубӣ-Ғарбӣ” дар минтақаҳои зерин, аз соати 23-00 рӯзи 26 октябри соли 2023 то соати 23-00 рӯзи 27 октябри соли 2023 қатъ мегардад:
– ноҳияи Фирдавсӣ, шаҳракҳои 42, 43, 46, 62, 64 ва 65, маҳаллаҳои Сомон ва Равшангарон, кӯчаҳои Ҷомӣ, Борбад, Фирдавсӣ ва Н.Қарабоев аз 34 то 86/3;
– ноҳияи Сино, маҳаллаҳои Меҳнатобод, Наврӯз, Роҳи нав, Арбобхотун, Чортеппа, шаҳракҳои 32, 33, 52, 53 ва 54, кӯчаҳои Нахимов, Мир, Юсуф Вафо, А.Қаҳҳорӣ, П.Сулаймонӣ, Тургенев, Р.Набиев, Ханжин, Гипрозем, Балъамӣ, Ҷомӣ, Борбад, Хуҷандӣ ва шаҳраки Севостопол интиқоли оби нӯшокӣ аз соати 23-00 рӯзи 26 октябри соли 2023 то соати 23-00 рӯзи 27 октябри соли 2023 қатъ мегардад.
Дар робита ба ин, шаҳрдории Душанбе аз сокинон хоҳиш кардааст, ки дар ин рӯз миқдори зарурии обро захира намоянд.
Бояд гуфт, ки давоми даҳ рӯзи охир, ин маротибаи сеюм аст, ки интиқоли оби нӯшокӣ дар баъзе аз манотиқи пойтахт барои муддате қатъ карда мешавад. Қаблан, рӯзҳои 19-20 ва 24-уми октябр ҳам интиқоли оби нӯшокӣ дар баъзе маҳаллаҳои Душанбе қатъ гардида буд.
