Дастаи футболи “Истиқлол”-и Душанбе бо шикаст додани дастаи “Равшан”-и Кӯлоб бори даҳум Ҷоми Тоҷикистонро ба даст овард.
Дар бозии ниҳоӣ, ки дирӯз, 1-уми октябр, дар варзишгоҳи шаҳри Кӯлоб баргузор шуд, дастаҳо натавонистанд дар қисми асосии бозӣ ғолибро муайян кунанд.
Дар қисми иловагӣ ҳар ду даста ба дарвозаи ҳамдигар як голӣ заданд.
Дар задани ҷаримаҳои 11-метра дастаи “Истиқлол” устувории худро собит кард ва бо ҳисоби 4-2 ғалаба кард.
Ба ин тартиб, дастаи “Истиқлол”-и Душанбе бори даҳум дар таърихи худ Ҷоми Тоҷикистон оид ба футболро соҳиб шуд.
