24-уми феврал дар Душанбе клуби ҳаракати нави варзишӣ – киберклуби "Cyber Gym" ба фаъолият оғоз кард. Ин ҷоест, ки шавқу ҳавас ба бозӣ барои ҳар кадоме роҳи беҳтарини такмили маҳоратро боз мекунад.
Дар киберклуби "Cyber Gym" дӯстдорони бозиҳои маҷозӣ (виртуалӣ) мувофиқи завқи худ 240 бозии гуногунро интихоб карда метавонанд. Нархҳо ҳам чандон баланд нест: аз 18 сомонӣ дар як соат.
Ифтитоҳи киберклубро президенти Федератсияи варзиши электронии ҷумҳурӣ Пӯлод Мухторов дастгирӣ кард.
Дар киберклуб барои варзишгарони ҳақиқии олами виртуалӣ (киберварзишгарон) бо истифода аз технологияҳои навтарини муосир тамоми шароитҳо фароҳам оварда шудааст.
Дар ин ҷо ба онҳо компютерҳои пурқувват, 2 минтақаи PS5, 2 шабеҳсози (симулятори) пойга, 5 минтақаи даставӣ барои мусобиқаҳои 5×5 дастрас аст. Илова бар ин, дар ин ҷо қаҳвахонаи барҳаво мавҷуд аст, ки дар он шумо метавонед натанҳо бо нӯшокиҳои болаззат ташнагиатонро шиканед, балки пеш аз набардҳои ҷолиб таъоми бомазза ҳам бихӯред.
Оғози фаъолияти клуб дар ҳолест, ки дар шаҳри Қазони Русия “Бозиҳои оянда” ҷараён дошта, дар маросими ифтитоҳи он президенти Тоҷикистон Эмомалӣ Раҳмон ҳамроҳи сарони дигар давлатҳои ИДМ ҳузур дошт.
Зимни чорабинӣ дар Қазон Эмомалӣ Раҳмон муҳимияти дастгирӣ ва рушди киберварзишро таъкид дошта, онро қисми ҷудонашавандаи фарҳанги муосири варзишӣ унвон кард.
Директори киберклуб Одил Абдулҳақов зикр кард, ки набардҳои виртуалӣ натанҳо як фароғату дилхушӣ, балки имконест барои расидан ба қуллаҳои баланд дар ҷомеаи бозингарони маҷозӣ.
“Иштироки 35 варзишгари Тоҷикистон дар мусобиқаи байнулмилалии “Бозиҳои оянда”, ки то 3 март идома меёбад, гувоҳи он аст, ки варзишгарони мо ба рақобат бо беҳтарин бозигарони ҷаҳон ва собит сохтани қувва ва маҳорати худ омодаанд”, – чунин мешуморад ӯ.
Киберклуби "Cyber Gym" натанҳо дарҳои худро боз намуд, балки ба як рамзи давраи нав дар ҳаёти бозиҳои виртуалии Тоҷикистон табдил ёфт.
Клуби бозиҳо дар суроғаи кӯчаи Бухоро, 33 воқеъ аст.
Маълумоти муфассал тариқи телефони зерин қобили дарёфт аст: +992 880300006
Ҳамчунин дар саҳифаи Instagram – @cybergym.tj шумо хабарҳо ва иқдомҳои клубро пайгирӣ карда метавонед.
