Андрей Патрушев аз 1 июн роҳбари намояндагии “Россотрудничество” дар Тоҷикистон таъин шуд. Дар ин бора дар саҳифаи намояндагӣ дар шабакаи Телеграм хабар дода мешавад.
Гуфта мешавад, Патрушев солҳои гуногуни фаъолияти корӣ дар мансабҳои раҳбарӣ дар соҳаи таълими байнулмилалӣ ва фаъолият дар Донишгоҳи федерали Урал ба номи президенти Русия Б.Н. Елтсин (ш.Екатуринбург), ки хатмкардаи ин муассиса аст ва Донишгоҳи давлатии Тюмен (ш.Тюмен) ифои вазифа кардааст.
Кори роҳбари пешини намояндагии “Россотрудничество” дар Тоҷикистон Иван Иванов моҳи феврал ба анҷом расид. Ӯ аз соли 2020 ин вазифаро ба уҳда дошт.
Дар Телеграм-канали худ зимни хайрухуш бо Тоҷикистон ӯ чунин навишт: “Хушбахтам, ки дар таҳкими ҳамкории кишварҳоямон саҳм гузоштам. Ин солҳо пур аз рӯйдоду воқеаҳои ҷолибу рангин буданд. Тоҷикистон ба ман шиносоӣ бо фарҳангу табиати ғанӣ ва нотакрор ва аз ҳама муҳимаш – одамони наҷибу боистеъдодро ҳадя кард. Дӯстии халқҳоямон поянда бод!”.
