Конфедератсияи футболи Осиё (КФО) натиҷаҳои мавсими навбатии иҷозадиҳиро эълон карда, маълум шуд, ки ба мусобиқаҳо дар Лмгаи қаҳрамонҳо-2 ду даста аз Тоҷикистон – “Истиқлол” ва “Равшан” роҳхат гирифтанд. Ҳарду даста аз марҳилаи гурӯҳии мусобиқа рақобатро оғоз мекунанд.
Дастаҳои иштирокчӣ ба сифати ҷӯяндагони роҳхатҳо аз рӯи 5 меъёр бар асоси шартҳои Муқаррарот дар бораи иҷозадиҳии КФО ҳуҷҷатҳо пешниҳод намуданд.
Қабули дархостҳо моҳи ноябр оғоз гардида, бо назардошти гузаштани КФО ба мавсими тирамоҳу баҳор, то моҳи март идома ёфт.
Аз оғози мавсими нав байни дастаҳо дар мавсими солҳои 2024/2025 мусобиқаҳо таҳти сарпарастии КФО ба се дивизион тақсим шуданд – Лигаи баргузидаи қаҳрамонҳо, Лигаи қаҳрамонҳо-2 ва Ҷоми КФО.
ИЗОБРАЖЕНИЕ Ҷоми Лигаи қаҳрамонҳо
Радабандӣ (рейтинг) имкон медиҳад, ки дар дуюмин мусобиқаи КФО аз рӯйи мақом ё аз лиҳози таснифбандӣ – Лигаи қаҳрамонҳо-2 ду даста аз Тоҷикистон иштирок кунанд
Дар маросими қуръапартоӣ, ки рӯзҳои 15 ва 16 август дар қароргоҳи КФО Куала-Лумпур баргузор мешавад, ҳарифони дастаҳои “Истиқлол” ва “Равшан” маълум мешаванд.
Барои ҳар як ғалаба дар бозӣ дар даври гурӯҳӣ дастаҳои Тоҷикистон метавонанд 50 ҳазор доллар мукофтпулӣ кор кунанд. Дар давраи гурӯҳӣ ҳар кадоме аз дастаҳо 6 бозӣ мегузаронанд. Ғайр аз ин, дар сурати ба даври 1/8 финалии мусобиқа роҳ ёфтан ба ҳар кадоме аз дастаҳо 80 ҳазор доллар дода мешавад.
ИЗОБРАЖЕНИЕ
Барои роҳ ёфтан ба даври 1/4 финалӣ даста бо 160 ҳазор доллар, даври 1/2 финалӣ – бо 240 ҳазор доллар, дастаи иштирокчии вохӯрии финалӣ – бо 1 млн доллар ва ғолиби мусобиқа – бо 2, 5 млн доллар мукофотпулӣ қадрдонӣ мешаванд
