Дар нимсолаи аввали соли 2024 камшавии сафи нашъамандон дар Тоҷикистон ба қайд гирифта шуд. Дар ин бора зимни нишасти матбуотӣ дар Душанбе директори Агентии назорати маводи нашъаовар Самад Зафар хабар дод.
Зикр шуд, ки дар давраи мазкур дар ҷумҳурӣ 4066 афроди гирифтор ба нашъамандӣ ба қайд гирифта шудааст, ки 117 нафар камтар нисбат ба ҳамин давраи соли гузашта мебошад. Дар ҳамин ҳол, ба гуфтаи ӯ, миёни занон сафи нашъамандон 6 нафар зиёд шуда, ба 109 нафар расидааст.
Бино ба маълумоти Агентӣ, ба 100 ҳазор нафар аҳолии Тоҷикистон 40,7 афроди нашъаманд рост меояд.
Директори Агентӣ изҳор намуд, ки барои пешгирии нашъмандӣ ва таблиғи тарзи ҳаёти солим, бо вазорату идораҳои гуногун ҳамкории фаъолона ба роҳ монда шуда, бо аҳолӣ вохӯриҳову семинар, мизи гирду чорабиниҳои ҷамъиятиву фарҳангӣ ва мусобиқаҳои варзишӣ гузаронида мешаванд.
