Мақомоти Амрико то моҳи ноябри соли гузашта 1 миллиону 445 ҳазор 549 шаҳрванди хориҷиро аз кишварҳои гуногун ба рӯйхати нафароне, ки мехоҳанд аз ин кишвар ихроҷ кунанд, шомил кардаанд. Дар ин рӯйхати номи 149 шаҳрванди Тоҷикистон ҳам ҳаст. Ин рӯйхатро хабаргузории "Fox News" бо такя ба Хадамоти муҳоҷират ва гумруки ИМА (ICE) ИМА нашр кардааст.
Ба иттилои ICE, шумораи бештари афроди дар рӯйхати ихроҷбуда шаҳрвандони Гвотамоло (253 ҳазору 413 кас), Ҳандурос (261 ҳазору 651 кас), Мексика (252 ҳазору 044 кас) ва Салвадор (203 ҳазору 822 кас) мебошанд.
Ҳамчунин, дар ин рӯйхат намояндагони Чин – 37 ҳазору 908 нафар ва Русия – 3 ҳазору 518 нафар ҳузур доранд.
Аз кишварҳои Осиёи Марказӣ дар рӯйхат аз ҳама бештар шаҳрвандони Ӯзбекистон 975 нафар, Қазоқистон 369 нафар, Қирғизистон 319 нафар, Тоҷикистон 149 нафар ва Туркманистон 40 нафар мебошанд.
Гуфта мешавад, ҳамаи ин нафароне, ки ба рӯйхати ихроҷ аз Амрико ворид шудаанд, ҳоло дар ҳабс нестанд, аммо қарори ниҳоӣ дар бораи ихроҷи онҳо алакай содир шудааст.
Ёдовар мешавем, ки Доналд Трамп баъди бозгашти дубора Кохи Сафед аз мубориза бо "ҳуҷум"-и муҳоҷирон ба ИМА ҳушдор дод ва гуфт, ки муҳоҷирони ғайриқонунӣ дар ин кишвар мубориза хоҳад бурд.
Муҳоҷироне, ки дар Иёлоти Муттаҳидаи Амрико қарор доранд, ҳамрӯза аз амалиёти боздошт (рейдҳо) ва ихроҷи шахсоне, ки ҳуҷҷатҳои зарурӣ надоранд, дар ҳаросанд.
Ин тасмим аз ҷумла шаҳрвандони Тоҷикистон, ки дар ин кишвар кору иқомат доранд нигаронӣ кардааст.
“Азия-Плюс” қаблан, бо чанде аз шаҳрвандони Тоҷикистон, ки дар иёлатҳои гуногуни Амрико кору зиндагӣ мекунанд, суҳбат кард ва маълум шуд, ки чӣ гуна ин тасмим президенти нави ИМА онҳоро дар лобалои тарсу умед гузоштааст. Андешаи тоҷикони муқими ИМА-ро дар ин линк хонед.
