Шоми дирӯз, 16-уми март сафари расмии Эмомалӣ Раҳмон, раисҷумҳури Тоҷикистон ба Русия оғоз ёфт ва интизор меравад, ки имрӯз, 17-уми март бо Влдаимир Путин, президенти Русия мулоқот кунад. Дар ин бора Хадамоти матбуотии президенти Тоҷикистон хабар медиҳад.
Манбаъ менависад, ки Эмомалӣ Раҳмонро дар фурудгоҳи Внуково-2-и шаҳри Маскав Марат Хуснуллин, муовини раиси ҳукумати Русия пешвоз гирифт.
“Барои истиқболи шоиста майдони фурудгоҳ бо парчамҳои давлатии ду кишвар оро ёфта, Ротаи қаровули фахрии гарнизони ҳарбии Москва ва оркестри низомии асбобҳои нафасӣ саф ороста буд. Баъди гузориши Фармондеҳи Ротаи қаровули фахрӣ ба меҳмони олиқадр сурудҳои миллии ду давлат навохта шуд”, -навиштааст хадамот..
Манбаъ гуфтаст, ки имрӯз, 17-уми март дар Кремл мулоқоту музокироти расмии сатҳи олӣ бо иштироки Эмомалӣ Раҳмон ва Владимир Путин, инчунин, имзои санадҳои нави ҳамкорӣ, изҳороти матбуотӣ ва дигар чорабиниҳо баргузор мешавад.
Ёдовар мешавем, ки Эмомалӣ Раҳмон рӯзи 15-уми марти соли равон бо як сафари расмӣ ба Русия рафт ва он то 17-уми март давом мекунад.
Қаблан хабар хадамоти матуботи раиси ҷумҳури Русия хабар дода буд, ки рӯзи 15-уми март мулоқоти ғайрирасмии президентҳои Тоҷикистон, Русия ва Белорус баргузор шуд.
Манбаъ навишт, ки Эмомалӣ Раҳмон, Владимир Путин ва Александр Лукашенко дар ҷараёни мулоқоти ғайрирасмии худ бо Илҳом Алиев, раиси ҷумҳури Озарбойҷон суҳбати телефонӣ анҷом додаанд.
“Роҳбарони кишварҳо дар ин гуфтугӯ масъалаҳои муҳими рушди равобити байнидавлатиро баррасӣ кардаанд. Дар ҷараёни суҳбати телефонӣ тарафҳо мувофиқа кардаанд, ки рӯзи 9-уми май дар Маскав мулоқот кунанд”, – гуфта мешавда дар хабарнома.
Бори охир Эмомалӣ Раҳмон моҳи декабри соли гузашта барои ширкат дар ҷаласаи ғайринавбатии сарони давлатҳои аъзои Иттиҳоди Давлатҳои Мустақил (ИДМ) ба Русия рафта буд. Ӯ дар ин сафар бо Владимир Путин мулоқот ва баъзе масъалаҳои дуҷонибаро баррасӣ карда буд.
Дар Русия камтар аз 1 млн муҳоҷири тоҷик кору зиндагӣ мекунанд. Онҳо ҳамеша аз бадрафторӣ ва нақзи ҳуқуҳояшон аз сӯи мақомоти Русия нигаронӣ мекунанд. Баъди ҳодисаи "Крокус" ин чиз бештар шуд.
