Тими миллии наврасони то 17-солаи Тоҷикистон имрӯз, 14-уми апрел дар марҳилаи 1/4-ниҳоии Ҷоми Осиё аз мунтахаби Куриёи Ҷанубӣ шикаст хӯрд ва аз идомаи рақобатҳо маҳрум шуд.
Ин бозӣ дар варзишгоҳи “Шоҳзода Абдуллоҳ Ал-Файсал Спортс Сити”-и шаҳри Ҷиддаи Арабистон Саудӣ баргузор гардид.
Қисми аввали бозӣ бидуни гол поён ёфт.
Дар қисми дуюми бозӣ, дар дақиқаи 67 футболбозони дастаи Куриёи Ҷанубӣ ҳисобро кушоданд. Дар дақиқаи 74 онҳо бори дигар дарвозаи тими Тоҷикистонро рахна карданд, аммо баъди санҷиши довар, ин гол бекор карда шуд.
Дар дақиқаи 83 футболбозони тоҷик тавонистанд ҳисобро баробар кунанд. Пас аз ду дақиқа футболбозони тоҷик голи дуюми худро ба ҳадаф расониданд ва дар ҳисоб ба пеш гузаштанд.
ИЗОБРАЖЕНИЕ
Дар дақиқаҳои иловагӣ яке аз футболбозони тоҷик дар майдончаи ҷаримавӣ бо даст бозӣ кард ва барои ин довар ба дарвозаи тими Тоҷикистон зарбаи ёздаҳметрӣ таъин намуд. Футболбози куриёгӣ зарбаро бе хато иқро кард ва ҳисоб баробар – 2:2 шуд.
Дар сислсилаи зарбаҳои ёздаҳметрӣ яке аз футболбозони тоҷик хато кард ва натавонист тӯбро вориди дарвозаи Куриёи Ҷанубӣ кунад.
Ҳамин тавр, дар задани зарбаҳои 11-метра куриёиҳо бо ҳисоби 5:3 дар баробари Тоҷикистон пирӯзӣ ба даст оварданд.
ИЗОБРАЖЕНИЕ
Ҳамин тавр, Ҷоми Осиё-2025 барои мунтахаби наврасони тоҷик ба охир расид. Аммо бо роҳ ёфтан ба даври 1/4-ниҳоии Ҷоми Осиё тими миллии наврасони то 17-солаи Тоҷикистон роҳхати Ҷоми ҷаҳонро соҳиб шуданд.
Ҳамакнун дастаи мо моҳи ноябр дар Ҷоми ҷаҳон миёни наврасон, ки дар Қатар баргузор мегардад, ширкат мекунад.
