Бо мақсади дастгирии соҳибкории хурду миёна, тавсеаи имкониятҳои сармоягузорӣ ва таҳкими суботи молиявӣ, Бонки сармоягузорӣ ва қарзии Тоҷикистон (ICB) маҳсулоти нави қарзиро бо шартҳои боз ҳам дастрас пешниҳод менамояд. Акнун соҳибкорон метавонанд то 3 000 000 сомонӣ қарзро бо фоизи солонаи аз 15% ва ба муҳлати то 48 моҳ дарёфт намоянд.
Шартҳои нави қарздиҳӣ ба доираи васеи соҳибкорон пешниҳод шуда, ҳамчун як ҷузъи муҳимми барномаи рушди иқтисоди миллӣ ва дастгирии соҳибкории ватанӣ амалӣ мегардад.
“Мо мушкилоти молиявии соҳибкоронро хуб дарк мекунем. Паст кардани фоиз ҷиҳати пуштибонӣ аз рушди тиҷорат ва дастгирии мизоҷон як иқдоми амалии мост,” — изҳор дошт раиси бонк, Мирзосафар Сафаров.
Соҳибкорони азиз, барои дарёфти маълумот шумо метавонед, ба сомонаи расмии Бонк — www.icb.tj ва ё филиал ва марказҳои хизматрасонии ICB дар тамоми гӯшаи кишвар муроҷиат намоед.
ICB — шарики рушди Шумо!
Маълумоти бештар: 0909
