Дар Душанбе бо ҳузури беш аз 450 шатранҷбоз аз 13 кишвари Осиёи Ғарбӣ мусобиқоти қаҳрамонии шатранҷ байни кӯдакон ва наврасон оғоз шуд. Он дирӯз, 21-ум дар Қасри олимпӣ оғоз шуд ва то 29-уми апрел идома мекунад.
Дар маросими ифтитоҳ бо шумули намояндагони ниҳодҳои масъули Тоҷикистон, инчунин Ҳусан Турдиалиев, президенти минтақавии Федератсияи ҷаҳонии шатранҷ ширкат кард. Ӯ сардовари ин мусобиқа ҳам ҳаст.
Дар ин мусобиқа шатранҷбозон аз Русия, Қазоқистон, Қирғизистон, Ӯзбекистон, Туркманистон, Эрон, Афғонистон, Ҳинд, Кувайт, Покистон, Шри-ланка, Молдова ва Аморати Муттаҳидаи Араб барои гирифтани ҷоизаҳо ва нишон додани маҳорати худ рақобат мекунанд.
Бештар дар бораи ин мусобиқот дар гузориши мо бинед.
Мусобиқаро Федератсияи ҷаҳонии шатранҷ, Федератсияи шатранҷи Осиё ва Федератсияи шатранҷи Тоҷикистон ташкил кардаанд.
