ZET-MOBILE сифати алоқаро дар маҳаллаи 46-уми шаҳри Душанбе беҳтар кард. 5-уми майи соли ҷорӣ ширкати мобилии ZET-MOBILE дар маҳаллаи 46-уми шаҳри Душанбе такягоҳи истифодаи дучанда (ТИД)-ро насб намуд. Акнун муштариён метавонанд аз интернети мобилии босуръату устувор баҳра баранд. ТИД чист ва чӣ гуна ин ҳалли инноватсионӣ сифати алоқаро барои муштариёни ширкат беҳтар мекунад, нақл менамоем.
Такягоҳи истифодаи дучанда – ин як сохтори муҳандисии муосир мебошад, ки вазифаҳои пойгоҳи алоқаро бо элементҳои инфрасохтори шаҳрӣ муттаҳид мекунад. ТИД метавонад сутуни равшанидиҳии кӯча, интиқоли нерӯ, алоқа ва назорати видеоиро дар бар гирад.
Дар муқоиса бо пойгоҳи оддии алоқа, ки танҳо барои мақсадҳои телекоммуникатсионӣ истифода мешавад, ТИД якбора якчанд масъалаҳоро ҳал мекунад— сифати алоқаро беҳтар мекунад ва ҳамзамон симои шаҳрро зеботар месозад.
ИЗОБРАЖЕНИЕ
Масалан, такягоҳи насбшудаи ZET-MOBILE дар маҳаллаи 46 хизматрасонии интернети мобилии стандарти 4G-ро фароҳам мекунад ва барои беҳтарсозии сифат ва устувории алоқаи мобилӣ дар ин минтақа нигаронида шудааст.
"Барои мо муҳим аст, ки на танҳо хизматрасониҳои босифати телекоммуникатсионӣ пешниҳод кунем, балки ба рушди инфрасохтори шаҳр низ саҳм гузорем. Насби такягоҳи истифодаи дучанда дар маҳаллаи 46 қадаме дар роҳи шаҳри ҳушманд ва устувор мебошад. Мо татбиқи қарорҳои муосирро идома медиҳем, то ҳаёти муштариёни худро осонтар ва бехатартар гардонем", – мегӯяд Бахтиёр Ҳамидов, директори генералии ZET-MOBILE.
Насби аввалин ТИД дар шаҳри Душанбе танҳо оғози барномаи васеъи муосиргардонии шабакаи ZET-MOBILE мебошад. Дар ояндаи наздик, оператор ният дорад, ки чунин сохторҳоро дар дигар минтақаҳои пойтахт ва берун аз он низ насб намояд — бо ин васила инфрасохтори телекомро рушд дода, ба табдили рақамии шаҳр мусоидат мекунад.
