Дар Тоҷикистон давоми сол сабзавот ба таври назаррас қимат шуд. Аз ҳама зиёд – қариб ду баробар нархи карам боло рафт. Инчунин сабзиву пиёз ва картошка низ каме гарон шуданд.
Ба иттилои Барномаи ҷаҳонии озуқа ва "Neksigol Mushovir", моҳи августи соли 2025 нархи ғизо дар бозорҳои Тоҷикистон аз чанд ҷиҳат боло рафт.
Таҳлил ё мониторинг 5 бозори бузург ва 10 бозори хурдро фаро мегирад. Маълумот ҳар ҳафта ҷамъоварӣ гардида, сипас ба ҳар кадоме аз маҳсулот нархи миёна ҳисобу китоб мешавад.
Давоми сол аз ҳама бештар сабзавот гарон шуд.
.png)
ИЗОБРАЖЕНИЕ
Дар нархи гӯшт низ болоравии назаррас ба қайд гирифта шуд.
.png)
ИЗОБРАЖЕНИЕ
Нархҳои маҳсулоти лубиёгӣ ва тухм низ тағйир ёфт.
ИЗОБРАЖЕНИЕ
Дар баробари ин, баъзе маҳсулот арзон шудааст.
.png)
ИЗОБРАЖЕНИЕ
Вазъ дар бозори кор низ таҳлил шудааст. Пардохти кори ғайриҳирфаӣ (ғайрикасбӣ) дар моҳи август ба ҳисоби миёна 115 сомонӣ дар як рӯзро ташкил дод, ки 31% зиёдтар нисбат ба соли пешин аст.
Меъёрҳои пардохти нисбатан паст дар Хоруғ ва Рашт (100-104 сомонӣ) ва баланд дар Душанбе ва Бохтар (120 сомонӣ) сабт шудааст.
Арзиши пардохти кори касбӣ боз ҳам зиёдтар – 85% боло рафта, ба ҳисоби миёна ба 149 сомонӣ дар як рӯз расид. Меъёрҳои баландтарин дар Ишкошим (175 сомонӣ), Истаравшан ва Кӯлоб (160 сомонӣ), инчунин дар Душанбе ва Хуҷанд (156 сомонӣ) ба қайд гирифта шудааст.
