Душанбе. 29-уми апрел. ОИ «Азия-Плюс» – Дар шаҳри Маскав вазири мудофиаи Тоҷикистон Шералӣ Хайруллоев дар кори машварати вазирони мудофиаи кишварҳои узви Созмони Ҳамкории Шанхай ширкат варзид.

           

Чӣ тавре ки аз маркази матбуоти вазорати мудофиаи ҶТ ба ОИ «Азия-Плюс» хабар доданд, дар машварат масоили таҳкиму густариши ҳамкориҳои низомӣ дар чаҳорчӯбаи барномаҳои созмон мавриди баррасӣ қарор гирифтанд.

           

Тибқи иттилои расонаҳои хабарии Русия, имрӯз вазирони мудофиаи кишварҳои узви СҲШ-ро президенти Русия Дмитрий Медведев ба ҳузур хоҳад пазируфт.

           

Ба ҳайати СҲШ кишварҳои Русия, Чин, Қазоқистон, Қирғизистон, Тоҷикистон ва Ӯзбекистон шомиланд.

Душанбе. 28-уми апрел. ОИ «Азия-Плюс» – Чанде қабл дар мулоқоти муовини аввали вазири кишоварзии ҶТ Раҳмоналӣ Амиров бо сафири Мексика дар Тоҷикистон Эрнандес Басаве масоили густариши ҳамкориҳои дуҷониба дар бахши кишоврзӣ мавриди баррасӣ қарор гирифтанд.

Чӣ тавре ба ОИ «Азия-Плюс» аз Вазорати кишоварзии ҶТ хабар доданд, ҷонибҳо атрофи масъалаҳои сохтмони корхонаҳои коркарди меваву сабзавот дар Тоҷикистон, воридоту содироти зироати ғалладона ва ҳамкорӣ дар соҳаи пахтакорӣ табодули факор намуданд.

Ба иттилои манбаъ, сафири Мексика изҳор доштааст, ки дар як қатор вилоятҳои Мексика корхонаҳои бузурги бофандагӣ амал мекунанд ва ашёи хом барои фаъолияти онҳо аз хориҷи кишвар дастрас мегардад. «Аз ин рӯ, мо омодаем воридоти нахи пахта аз Тоҷикистонро низ ба роҳ монем», – гуфтааст ӯ.

Душанбе. 28-уми апрел. ОИ «Азия-Плюс» – Ҳизби демократи Тоҷикистон барои журналистони тоҷик мукофотҳои «Барои дифоъ аз манфиати миллӣ»-и ба номи Тоҳири Абдуҷаббор, «Барои ҷасорати журналистӣ»- ба номи Аслиддини Соҳибназар, «Барои журналистикаи муосир»-и ба номи Имомназари Холиқназар ва «Барои мавқеъи шаҳрвандӣ»-и ба номи Ҷумъабой Ниёзовро таъсис дод.

Тавре муовини раиси ҳизб Раҳматулло Валиев дар сӯҳбат бо хабарнигори ОИ «Азия-Плюс» иттилоъ дод, иқдоми мазкур баҳри воқеъбинона арзёбӣ кардани саҳми шахситяҳои мазкур дар роҳандозии равандҳои демократӣ дар кишвар ва абабдӣ гардонидани хотираи онҳо амалӣ мегардад. «Шартҳои озмун чунинанд, ки аъзои комиссия аз ҳисоби Шӯрои сиёсии ҳизб мустақилона ғолибонро муайян мекунад, яъне журналистонро зарур нест, ки маводи худро пешниҳод намоянд», – гуфт ӯ.

Номбурда аз ифшои ҳаҷми маблағи пулии мукофот худдорӣ карда гуфт, он дар маросоми супурдани мукофотҳо, ки 3-уми май – Рӯзи байнулмилалии озодии сухан баргузор мешавад, маълум хоҳад шуд.

Душанбе. 28-уми апрел. ОИ «Азия-Плюс» – Президенти То


ҷ


икистон Эмомал


ӣ


Раҳмон дар муқобили суханронии раиси


ҷ


умҳури Узбакистон, Ислом Каримов, таҳдид намуд, ки асноди нишастро имзо нахоҳад кард.

Ҷа


ноби Раҳмон талаб кард, ду банди марбут ба масъалаи обу барқ аз санади ниҳоии нишаст ихтисор карда шаванд, дар акси ҳол ин санадро имзо нахоҳад кард. Ин дар ҳоле буд, ки бо талаби президенти Узбакистон Ислом Каримов ва пас аз суханронии


ӯ


, ин ду банд ба эъломияи Алмаато ворид гашт.

Дар ин бандҳо гуфта мешуд, ки бояд дар масъалаи бунёди нер


ӯ


гоҳҳои барқи об


ӣ


назари кишварҳои савум ба ҳисоб гирифта шавад.

Каримов гуфт, алъон дар ин маврид на танҳо се кишвари поёноб Қазоқистон, Узбакистон ва Туркманистон, балки созмонхои байнулмилал


ӣ


, ба шумули Бонки


Ҷ


аҳон


ӣ


низ дар як мавқеъ қарор доранд ва он ин аст, ки бунёди нер


ӯ


гоҳҳо ба кишварҳои поёноб зарар ва хатар дорад.

Дар оғози нишасти сарони кишварҳои узви Бунёди байнулмилалии на


ҷ


оти Арал ҳарчанд Нурсултон Назарбоев аз ҳамтоёнаш хохиш кард, ки танҳо дар мавриди Арал с


ӯ


ҳбат кунанд ва ба масъалаи бунёди нер


ӯ


гоҳо дахолат накунанд, вале Ислом Каримов, ки Назарбоев дар охир ба вай навбати сухан дод, боз ба ин масъала дахл кард.

Баъди суханронии сарвари Узбакистон Раҳмон таъкид кард, ки аз протокол банди марбут ба масъалаи обу барқро берун кунанд. Назарбоев гуфт, ки аз коршиносон хоҳиш хоҳад кард, ки ҳу


ҷҷ


ат бидуни ин нукта омода шавад. Дар ин бора бахши тоҷикии радиои Озодӣ хабар медиҳад.

Тибқи иттилои хадамоти матбуоти президенти Қазоқистон, дар фарҷом изҳороти муштараки сарони кишварҳои муассиси Бунёди байнулмилалии наҷоти баҳри Арал ба имзо расид. Дар изҳороти Кумитаи иҷроияи Бунёд гуфта мешавад, ба мақомоти дахлдор супориш дода шудааст, ки барномаи нави кӯмак ба аҳолии ҳавзаи баҳри Аралро таҳия созанд ва ҷиҳати густариши ҳамкориҳои ҳамаҷониба бо созмонҳои байнулмилалӣ ва ташкилотҳои мададрасон тамоми чораҳо пеш гирифта шаванд.

           

Душанбе. 28-уми апрел. ОИ «Азия-Плюс» – Дар семоҳаи аввал ҳаҷми маблағҳои сармоягузорӣ ба Тоҷикистон 85 млн. доллари ИМА-ро ташкил дод, ки тақрибан ба нишондиҳандаи ҳамин давраи соли гузашта баробар аст.

           

Дар нишасти хабарӣ раиси Кумитаи сармоягузорӣ ва идораи амволи давлатии назди ҳукумати ҶТ Фаррух Ҳамралиев изҳор дошт, ки дар шароити бӯҳрони молӣ рақобатпазирӣ миёни кишварҳо барои ҷалби сармояи хориҷӣ ба иқтисод шадид гардида, дар чунин вазъ зарур аст, ки ба сармоягузорони хориҷӣ имтиёзоти бештар дода шавад.

           

Ба гуфтаи Ф.Ҳамралиев, айни замон дар ҷумҳурӣ 56 лоиҳаи сармоягузорӣ ба маблағи умумии 6,4 млрд. сомонӣ (беш аз 1,6 млрд. $) амалӣ гардида, боз 100 лоиҳаи дигар барои пешниҳод ба сармоягузорони хориҷӣ ва ватанӣ омода гардидааст.