Душанбе. 12-уми март. ОИ «Азия-Плюс» – Соли равон панҷ рӯзноманигори тоҷик ба ҷоизаи ба номи Лоҳутӣ сазовор дониста шуданд.

Дар ҷамъомади тантанавӣ бахшида ба рӯзи матбуоти тоҷик, ки дирӯз дар бинои Филармонияи давлатӣ баргузор гашт, барои фаъолияти пурсамар ва саҳми арзанда дар васоити ахбори умум сардабири ҳафтаномаи «Омӯзгор» – Маҳмадшариф Бобошоев, директори Радиои тоҷик Абдуқодири Абдуқаҳҳор, муҳаррири баномаҳои фароғатии радиои «Ватан» – Субҳони Ҷалил ва барои анҷоми корҳои таҳқиқотӣ дар соҳаи ВАО муаллифи китоби «Таърихи журналистикаи тоҷик» профессор Иброҳим Усмонов ва омӯзгори Донишгоҳи славянии Русияву Тоҷикистон Давлат Давронов ба ҷоизаҳо сарфароз гардонида шуданд.

Ғайр аз ин, 55 нафар рӯзноманигор бо нишонии сарисинагии «Аълочии матбуот» ва 23 рӯзноманигор бо нишони сарисинагии «Аълочии фарҳанг» қадрдонӣ гардиданд.

Кумитаи кор бо занон ва оилаи назди ҳукумати ҷумҳурӣ як қатор рӯзноманигоронро бо ифтихорномҳо сарфароз гардонида, якчанд медиа-созмонҳо, аз ҷумла шабакаи мустақили телевизиони «СМТ» ва ОИ «Азия-Плюс» соҳиби ифтихорномаҳои Маҷлиси Миллии Маҷлиси Олии ҶТ гаштанд.

           

Душанбе. 12-уми март. ОИ «Азия-Плюс» – Намояндаи мардумӣ дар парлумони ҷумҳурӣ Исмоил Талбаков бар чунин назар аст, ки пешниҳоди президенти Қазоқистон Нурсултон Назарбоев дар бораи ташкили асъори ягона барои кишварҳои узви Иттиҳоди иқтисодии Авруосиё (ЕврАзЭС) метавонад ба беҳбуди вазъи молияӣ дар ин кишварҳо мусоидат намояд.

           

И.Талбаков мегӯяд, иллати аслии бӯҳрони молии ҷаҳонӣ шикасти доллари амрикоӣ аст ва барои беҳбуди вазъи молиявӣ дар қаламрави ЕврАзЭС кишварҳои узви иттиҳодро зарур аст, асъори гардишии худро

 

ҷорӣ созанд. «Пайдо гаштани асъори нави саросарӣ (глобалӣ) дар солҳои наздик ғайриимкон аст, вале ҷорӣ сохтани асъори минтақавӣ айни замон мантиқан дуруст аст ва ман чунин мешуморам, ки ҳар як иттиҳод ё созмони кишварҳо бояд асъори ҳисобиву гардишии худро дошта бошад ва ба ин асъори Евро мисол шуда метавонад», – гуфт ӯ ва афзуд, ки ҷорӣ сохтани асъори ягона бидуни истисно ба нафъи ҳамаи кишварҳои узви ЕврАзЭС, аз ҷумла Тоҷикистон низ хоҳад буд.

           

Дар ҳамин ҳол, иқтисодчӣ Баҳодур Сафаров чунин ибрози ақида намуд, ки чун сатҳи рушди иқтисоди кишварҳои узви ЕврАзЭС феълан гуногун аст, ҷорӣ сохтани асъори ягона дар иттиҳод ғайривоқеӣ аст ва ҳарчанд чунин пешниҳод ба нафъи кишварҳои қашшоқи минтақа бошад ҳам, барои намуна Русия ба он ҳеҷ гоҳ розӣ нахоҳад шуд, зеро иқдоми мазкур ба афзоиши берун рафтани сармоя аз ин кишвар боис хоҳад гардид. «Ғайр аз ин, кишварҳои узви иттиҳод то ҳанӯз оид ба созишномаҳои гумрукӣ тавофуқ ҳосил карда наметавонанд ва ҳарф задан перомуни ҷорӣ сохтани асъори ягона дар иттиҳод солҳои наздик ба мантиқ рост намеояд», – афзуд иқтисодчӣ.

Хоруғ. 12-уми март. ОИ «Азия-Плюс» – Соли равон дар ҷумҳурӣ 110-солагии Шириншо Шотемур дар сатҳи давлатӣ ҷашн гирифта мешавад.

Тавре мудири шӯъбаи иҷтимоиву фарҳангии дастгоҳи раиси ВМКБ Нарзулло Хайруллоев ба ОИ «Азия-Плюс» хабар дод, чанде қабл ҳукумати ҷумҳурӣ «Дар бораи нақшаи чорабиниҳо оид ба омодагӣ ва баргузории 110-солагии Қаҳрамони Тоҷикистон Ширншо Шотемур» қарор қабул кард.

Ба гуфтаи ӯ, тибқи қарори мазкур, кумитаи тадорукоти ҷашн ӯҳдадор гардидааст, ки аз моҳи июл то октябри соли ҷорӣ нашри мавод дар бораи Шириншо Шотемур ва паҳну таблиғи он дар ВАО-ро таъмин сохта, тамоми маводи эҷодгардида перомуни фаъолият ва ҳаёти қаҳрамонро дар як маҷмӯа ҷамъоварӣ созад.

Н.Хайруллоев мегӯяд, инчунин бунёди муҷассамаи Ширншо Щотемур дар боғи шаҳри Хоруғ, таҷдиди осорхонаи ӯ дар деҳаи Поршневи ноҳияи Шуғнон ва наворбардории филми мустанад дар бораи ҳаёту фаъоли ӯ низ дар назар аст. Ғайр аз ин нашри китоби К.Аламшоев «Дар куҷое набошам, бо Тоҷикистон будан мехоҳам» бо забонҳои тоҷикиву русӣ, ки ба ҳаёту корномаи Ш.Шотемур бахшида шудааст, ба нақша гирифта шудааст.

           

Душанбе. 12-уми март. ОИ «Азия-Плюс» – Дар Тоҷикистон бо ибтикори ширкатҳои бузурги Тоҷикистону кишварҳои хориҷӣ ва созмонҳои байнулмилалӣ иттиҳодияи нави «Палатаи тиҷоратии амрикоӣ» ба фаъолият шурӯъ кард.

           

Фаъолияти иттиҳодия ба дастгирии корхонаву ширкатҳои тиҷоратӣ нигаронида шудааст. Иттҳодияи мазкур дар таърихи 11-уми ноябри соли 2008 ба қайд гирифта шуда, қисмате аз шабакаи глобалии Палатаи савдои ИМА мебошад, ки дар беш аз 100 кишвари дунё намояндагӣ дорад.

           

Дар Тоҷикистон иттиҳодия бо иштироки ширкатҳои бузурги ватаниву хориҷӣ, аз қабили ҶСК «Ориёнбонк», ширкати

«Tethys Tajikistan Limited», ҶСК «Сомон-Капитал», «Hyatt Regency Dushanbe», ширкати амрикоии «Комсап Коммодитис», «Айтен Групп Консалтинг», ТАЛКО ва корпоратсияи «Прагма» таъсис ёфта, дар ташкили он Бунёди Авруосиёи Осиёи Марказӣ, Сафорати ИМА дар Тоҷикистон ва Агентии ИМА оид ба ҳамкории байнулмилалӣ кӯмак расониданд.

           

Мудири кулли ширкати «Tethys Tajikistan Limited»Нназир Шарипов итттиҳодияро роҳбарӣ мекунад. Ӯ мегӯяд, ҳадаф аз таъсиси иттиҳодия фароҳам сохтани шароити мусоид баҳри рушди тиҷорат ва ҷалби сармоягузорӣ ба иқтисоди ҷумҳурӣ аст.



 

Душанбе. 11-уми март. ОИ «Азия-Плюс» – Соли равон кишоварзони тоҷик майдони кишти зироатҳои барвақтиро зиёд карданд: имсол онҳо ният доранд дар майдони 6 ҳазору


50 гектар

сабзавоти барвақтӣ ва дар майдони 3 ҳазору

250 гектар

картошкаи барвақтӣ кишт намоянд.

Тавре сардори раёсати рустанипарварии вазорати кишоварзии ҷумҳурӣ Саидмурод Баҳриддинов ба ОИ «Азия-Плюс» хабар дод, то имрӯз кишти сабзавоти барвақтӣ дар 5 ҳазору

734 гектар

ва картошкаи барвақтӣ дар 1 ҳазору

492 гектар

гузаронида шудааст, ки 95 дарсади ҳаҷми пешбинишударо ташкил медиҳад.

Ба гуфтаи ӯ, аз ҷумла пиёз дар масоҳати 4,6 ҳазор гектар, карам дар

170 гектар

, сабзии барвақтӣ дар

636 гектар

ва дигар зироатҳо дар

320 гектар

кишт карда шудаанд. «Феълан дар вилояти Хатлон дар беш аз 3,5 ҳазор гектар, дар вилояти Суғд дар 1 ҳазору

218 гектар

ва дар ноҳияҳои тобеи марказ дар

900 гектар

кишти зироатҳои барвақтӣ гузаронида шудаанд», – афзуд ӯ.

           

Душанбе. 11-уми март. ОИ «Азия-Плюс» – Роҳбари ширкати «Нур», соҳибкори тоҷик Нурулло Усмонов аз ҳамоиши соҳибкорони маъруфи бахши тиҷорат, илм ва фарҳанги Оксфорд дар Бритониёи Кабир бо ҷоизаву унвонҳо баргашт.

           

Тавре роҳабри медиа-холдиниги «


Tajinfo


» Муҳаммад Эгамзодба ОИ «Азия-Плюс» хабар дод, аз 7 то 10-уми март дар мақомоти шаҳрдории Оксофрд маросими супурдани унвону ҷоизаҳои байнулмилалии соҳибкорон «Awards of Europe» баргузор гардида, соҳибкори тоҷик ба медал ва дипломи Малика Виктория сазовор дониста шуд.

           

«Унвони мазкур таҷассумгари эътирофи байнулмилалии хизматҳои шоиставу арзандаи соҳибкори тоҷик ва саҳми арзандаи ӯ дар дастгирии арзишҳои анъанавии умуиинсонӣ мебошад», – афзуд манбаъ.

 

Хуҷанд. 11-уми март. ОИ «Азия-Плюс» – Дар Донишгоҳи давлатии тиҷорати шаҳри Хуҷанд бо иштироки раиси Иттифоқи «Тоҷикматлубот» Сироҷиддин Валиев ва раиси вилояти Суғд Қоҳир Расулзода маросими ифтитоҳи китобхонаи электронӣ баргузор гардид.

Тавре аз донишгоҳи мазкур ба ОИ «Азия-Плюс» хабар доданд, барои сохтмон ва муҷаҳҳазгардонии китобхонаи электронии донишгоҳ аз ҳисоби донишгоҳ ва қисман аз ҷониби Иттифоқи «Тоҷикматлубот» беш аз 1 млн. сомонӣ маблағ хароҷот шудааст.

Марказ ва синфхонаҳои компютерии донишгоҳ бо 120 компютерҳои замонавӣ муҷаҳҳаз гардонида шудаанд, ки чаҳор синфхонаи он ва як озмоишгоҳи муҷаҳҳаз бо компютер ба шабакаи ҷаҳонии Интернет васл карда шудаанд.