Душанбе. 29-уми сентябр. ОИ «Азия-Плюс» – Рӯзи 11-уми октябр Ҳизби наҳзати исломии Тоҷикистон

 

(ҲНИТ) ният дорад, дар шаҳри Душанбе озмуни ҷумҳуриявии қуръонхонӣ доир намояд.

Аз дафтари кории ҳизб ба ОИ «Азия-Плюс» хабар доданд, ки озмуни мазкур ба муносибати Соли бузургдошти Қуръони азимушшаън, ки роҳбари ҳизб онро соли 2008 эълом дошта буд, гузаронида мешавад.

Бино ба иттилои манбаъ, соли равон дар тамоми гӯшаву канори ҷумҳурӣ озмунҳои қуръонхонӣ барпо гаштанд. «Дар озмун на танҳо ғолибони озмунҳои минтақавӣ, балки ҳамаи хоҳишмандон метавонанд ширкат варзанд», – изҳор дошт манбаъ. Зикр гардид, ки озмун соли дуввум пайдарҳам гузаронида мешавад ва ҳизб ният дорад онро анъанавӣ гардонад.

Дар ҳамин ҳол, тибқи хабари сомонаи Кавказ.Мэмо.ру, дар озмуни байнулмилалии қуръонхонӣ дар Маскав намояндаи Тоҷикистон Ҳайдаралӣ Муродов сазовори мақоми саввум гардидааст.

Реклама на asia+

Душанбе. 29-уми сентябр. ОИ «Азия-Плюс» – Бо мақсади иҷрои фармони президенти Тоҷикистон «Дар бораи ба эҳтиёт ҷавоб додани хизматчиёни ҳарбие, ки мӯҳлати хизматашон ба охир расидааст ва даъвати ҷавонони соли таваллуди 1981-1990 ба сафи Қувваҳои мусаллаҳ» дар Тоҷикистон комиссияҳои даъвати тирамоҳии ҷавонон ба хизмати ҳарбӣ ташкил карда шуданд.

Аз Вазорати мудофиаи ҷумҳурӣ ба ОИ «Азия-Плюс» хабар доданд, ки мудири шӯъбаи мудофиа ва таъмини тартиботи қонунии Дастгоҳи иҷроияи президенти Тоҷикистон Рамазон Раҳимов роҳбари комиссия таъин шудааст. «Чунин комиссияҳо дар ҳамаи минтақаҳои кишвар ташкил карда шуданд ва раисони ноҳияву шаҳр ва вилоятҳо вазифаи роҳбарии онро бар дӯш доранд», – изҳор дошт манбаъ.

Бино ба иттилои намояндаи вазорати мудофиа, маъракаи даъвати ҷавонон ба сафи Қувваҳои Мусаллаҳи Тоҷикистон аз 2-уми октябри соли ҷорӣ шурӯъ мешавад.

Реклама на asia+

Душанбе. 29-уми сентябр. ОИ «Азия-Плюс» – Аз Хадамоти гумруки назди ҳукумати То


ҷ


икистон ба ОИ «Азия-Плюс» хабар доданд, ки шур


ӯ


ъ аз имр


ӯ


з гузаргоҳи «Қулма» дар ноҳияи Мурғоб, миёни марзи Тоҷикистону Чин ба муддати як ҳафта – то 5-уми октябри соли ҷорӣ баста мешавад. «Чунин тасмимро ҳукуматдорони Чин дар робита ба ҷашни истиқлоли давлатиашон гирифтаанд», – изҳор дошт манбаъ.

Ёдрас мекунем, ки маросими расмии гузаргоҳи «Қулма» соли 2004 баргузор гардид.То моҳи майи соли ҷорӣ гузаргоҳ дар як моҳ 15 рӯз

 

ва дар давоми сол ҳамагӣ се моҳ кор мекард. Аз моҳи майи соли равон гузаргоҳ ҳамарӯза фаъолият дорад, ки ин ба шарофати пешниҳоди президенти Тоҷикистон Эмомалӣ Раҳмон зимни мулоқоташ бо сарвари давлати Чин Ху Тсзинтао моҳи июни соли 2006 сурат гирифт.

Реклама на asia+

Хуҷанд. 27-уми сентябр. ОИ «Азия-Плюс» – Чанде қабл дар қаламрави масҷиди ҷомеи Шайх Муслиҳиддини вилояти Суғд сохтмони манораи дуюм шурӯъ гардид. Мудири мадрасаи исломӣ Ҳоҷӣ Орифҷон Байзоев дар сӯҳбат бо хабарнигори ОИ «Азия-Плюс» изҳор дошт, ки ҳамчунин дар як вақт сохтмони бинои нави мадраса низ оғоз мегардад.

Бино ба иттилои манбаъ, сохтмони манораро, ки баландиаш


21 метр

аст, ширкати «Барс» ба ӯҳда гирифтааст. Бунёди мадраса аз ҳисоби маблағҳои хайрия ва дастгирии раиси вилоят Қоҳир Расулзода сурат хоҳад гирифт. Бинои мадраса ба ду қисм – занона ва мардона тақсим гардида, дар он дар як вақт беш аз 120 нафар толибилмон таҳсил хоҳанд кард. Айни замон дар мадраса 70 духтар ва 65 писар таҳсил мекунанд.

           

«Сохтмони манора ва мадраса охири соли 2009 ба анҷом хоҳад расид ва дар ин кор шитоб кардан лозим нест, зеро чунин иншоот аҳамияти таърихӣ доранд», – афзуд О.Байзоев.

Реклама на asia+

           

Душанбе. 29-уми сентябр. ОИ «Азия-Плюс» – Дар чаҳорчӯбаи татбиқи амалии лоиҳаи коҳиши талафоти нерӯи барқ, ки аз ҷониби Ассосиатсияи рушди Бонки ҷаҳонӣ, ҳукумати Швейтсария ва ширкати «Барқи тоҷик» маблағгузорӣ карда мешавад, дар шаҳри Душанбе ҳисобкунакҳои индуктивиро бо электронӣ иваз мекунанд.

           

Директори техникии коҳиши талафоти барқи ширкати саҳомии холдингии кушодаи «Барқи тоҷик» Маҳмадамин Аминов дар сӯҳбат бо хабарнигори ОИ «Азия-Плюс» изҳор дошт, ки ҳисобкунакҳо дар тендери байнулмилалӣ харида шуданд, ки дар он ширкати Чин ғолиб омадааст. Ҳисобкунакҳо ҳам дар шиддати барқи 47 ва ҳам 400 волт кор мекунанд.

           

Ба гуфтаи М.Аминов, ин ҳисобкунакҳо аз ҳама гуна роҳу воситаҳои дуздии барқ ҳифз карда шуда, дар хотираи худ нишондодҳои 1, 10, 20 рӯз ва се солро маҳфуз нигоҳ медоранд, ки он дар навбати худ имкон медиҳад тавозуни нерӯи барқро дар низоми энергетикии пойтахт мушаххасан зери назорат қарор дод.

Ғайр аз ин, ба қавли М.Аминов, ширкати «Барқи тоҷик» низоми биллингиро ҷорӣ месозад, ки ба туфайли он метавон иқтидорҳои иловагии истифодаи нерӯи барқро, ки дар тамоми нуқтаҳо насб мегарданд, ошкор сохт. «Иваз намудани ҳисобкунакҳо ройгон буда, он аз ҳисоби намояндагони маблағгузори лоиҳа тва ширкати «Барқи тоҷик» амалӣ мегардад», – гуфт ӯ.

           

Мавсуф зикр кард, ки ҳисобкунакҳои ҳамаи истеъмолкунандагони нерӯи барқи шаҳри Душанбе, ки 160 ҳазор ададро медиҳанд, иваз карда мешаванд.

           

Айни замон ивазкунии ҳисобкунакҳо дар микрорайони 65-ум, дар ҳавлиҳои шахсии фурудгоҳи кӯҳна, шаҳраки Калинин ва вокзали роҳи оҳан ҷараён дорад ва анҷоми ин кор то 22-уми декабри соли оянда, яъне дар рӯзи ҷашни касбии энергетикҳо ба нақша гирифта шудааст.

Реклама на asia+

Душанбе. 27-уми сентябр. ОИ «Азия-Плюс» – Зимни мулоқот дар шаҳри Остона намояндагони ширкатҳои энергетикии Қазоқистон, Қирғизистон, Тоҷикистон ва Ӯзбекистон масъалаи ташкил кардани модели минтақавии интиқоли барқро, ки Агентии Иёлоти Муттаҳидаи Амрико (ИМА) оид ба рушди байнулмилалӣ (


USAID


) таҳия сохтааст, мавриди баррасӣ қарор доданд.

Аз сафорати ИМА дар Тоҷикистон ба ОИ «Азия-Плюс» хабар доданд, ки мулоқот бо ташаббуси лоиҳаи агентӣ оид ба ташкили модели минтақавии шабакаҳои интиқоли барқ (CARTRANS), ки аз ҷониби Асссосиатсияи энергетикии ИМА амалӣ мешавад, баргузор шуд.

Ба иттилои манбаъ, ташкили модели минтақавии компютерии шабакаҳои интиқоли барқи Осиёи Марказӣ ба кишварҳои минтақа имкон хоҳад дод, ки танзими истифодаи нерӯи барқ дар байни кишварҳо ва талафоти онро самаранок ба роҳ монанд.

USAID


ба сифати иқдоми нахустин ба ширкатҳои энергетикии кишварҳо таъминоти барномавии махсуси компютерӣ тақдим карда, ҷиҳати таҳияи модели миллии низоми интиқоли барқ кӯмак намуд.

Зикр гардид, ки барномаи мазкур дар ҳамоҳангӣ бо ширкатҳои Афғонистону Туркманистон рӯйи кор омадааст. «Моделҳои миллии низоми интиқоли барқи кишварҳо

 

минбаъд ба модели минтақавӣ муттаҳид гашта, имкону шароит фароҳам месозанд, ки талаботи минтақаи Осиёи Марказӣ ба нерӯи барқ то соли 2013 ба нақша гирифта шавад», – афзуд сарчашма.

Реклама на asia+

             Душанбе. 27-уми сентябр. ОИ «Азия-Плюс» – 10 октябр дар Иттифоқи журналистони Тоҷикистон бо кӯмаки сафорати ИМА дар Душанбе барои журналистони тоҷик дар мавзӯи «Таъминоти воситаҳои ахбори оммавӣ бо иттилооти навтарин» семинар гузаронида мешавад.

 

Семинарро мутахассиси рушди воситаҳои ахбори оммавӣ аз ИМА Эндрю Салливан мегузаронад. Ӯ ба журналистони тоҷик дар бораи роҳу усулҳои навтарину самарабахши ба даст овардани иттилоот ва самарабахштар гардонидани фаъолияти воситаҳои ахбори оммавӣ нақл хоҳад кард. Э.Салливан журналисти мустақил буда, дар шаҳри Сараевои ҷумҳурии Босния ва Герсеговина кор мекунад. Ӯ қабл аз ин мушовири матбуоти созмони Айрекс дар Босния буд.

Реклама на asia+

           

Душанбе. 27-уми сентябр – Аз 7 то 9-уми октябр дар маҷмааи давлатии «Кохи Борбад» намоишгоҳи навбатии чаҳоруми байнулмилалии «Тандурустӣ –


DIHE


2008» баргузор мешавад.

           

Намояндагони ширкати «


ITECA




Osiyo


» (Бритониёи Кабир») ба ОИ «Азия-Плюс» хабар доданд, ки дар намоишгоҳ намояндагони ҳудуди 30 ширкат аз 15 кишвари дунё иштирок мекунанд. Дар намоишгоҳ ширкату корхонаҳои давлатҳои Маҷористон, Белгия, Эрон, Русия, Украина, Шветсия, Арманистон, Ҷопон, Олмон, Белорус, Туркия, Қазоқистон ва Ӯзбекистон маҳсулоти худро ба маърази тамошо мегузоранд.

           

Бино ба иттилои манбаъ, намоишгоҳ аз ҷониби ширкати намоишгоҳҳои Бритониёи Кабир «


ITECA




Osiyo


и


I


.


T


.


E


.

 



E


&


C




Ltd


» созмон дода шуда, дар он бори нахуст ширкатҳои Чин иштирок мекунанд.

Дар намоишгоҳ ҳама гуна тамоили муосири рушди соҳаи тандурустӣ таҷассум гардида, он бо мақсади мусоидат ба ҷалби сармоягузорӣ, ҷорисозии технологияи нав, дастоврдҳои тозаи илмии тиббӣ ва таъмини бозор бо доруворӣ гузаронида мешавад. Намоишгоҳ табибони та


ҷ


рибакунандаро бо технологияи нав дар соҳаи тандуруст


ӣ


, инчунин бо дорувор


ӣ


ва асбоҳои нави тибб


ӣ


ошно менамояд.

           

Мувофиқи пешгӯии созмондиҳандагон, намоишгоҳ ҳудуди 4 ҳазор намояндаи соҳаи тандурустии кишварҳои узви Иттиҳоди Давлатҳои Мустақил ва давлатҳои хориҷи дурро сарҷамъ хоҳад кард. Қобили зикр аст, ки ин намоишгоҳ дар ҷомеа ва дар байни мутахассисону коршиносони соҳаи тандурустии Тоҷикистон нуфузу ҷойгоҳи муҳимеро касб кардааст. Соли гузашта дар кори намоишгоҳ 35 ширкат аз 18 кишвари дунё иштирок карданд.

Реклама на asia+