Душанбе. 5-уми сентябр. ОИ «Азия-Плюс» – Агентии назорати маводи нашъаовари назди президенти Тоҷикистон бори дигар ба хона-интернати маъюбон ва пиронсолони «Батош»-и шаҳри Турсунзода кӯмаки башардӯстона расонид, ки аз маводи ғизоӣ, молҳои хоҷагӣ ва дорувор иборат буд.
Аз агентии номбурда ба ОИ «Азия-Плюс» хабар доданд, ки бо мақсади иҷрои амри сарвари давлат дар бораи кӯмаки моддӣ ба маъюбону пиронсолон, иштирокчиёни ҷанг ва оилаҳои камбизоат агентӣ аз соли 2001 то имрӯз ба интернати «Батош» ба маблағи 42 ҳазору 364 сомонӣ кӯмаки моддӣ расонидааст.
«Ғайр аз маводи ниёзи аввалия,
ҳамчунин бошандагони интернат бо молҳои маишӣ, аз қабили телевизор,
DVD
, антеннаҳои моҳвораӣ, яхдон ва бозиҳои рӯимизӣ таъмин карда шуданд», – афзуд манбаъ.
