Рӯзи 23-юми январ бо амри ҳайате аз намояндагони Хадамоти санитарӣ ва оташнишонӣ, инчунин Кумитаи дин, ки ба дафтари шуъбаи вилоятии ҲНИТ дар шаҳри Хуҷанд субҳ ташриф оварданд, баъд аз чанд соъати раду бадал атрофи масоили мухталиф дари онро бастанд ва сабаби бастани дафтари вилоятии ҳизбро дар ислоҳ накардани камбудиҳои қаблан нишон додаи худ арзёбӣ кардаанд.
Сомонаи расмии ҲНИТ аз қавли Илҳомҷон Ёқубов, раиси шӯъбаи ҲНИТ дар вилояти Суғд хабар медиҳад, ки онҳо омилони баста шудани дафтари вилоятии ҳизбро вуҷуд доштани баъзе аз камбудиҳо дар ноқилони барқӣ ва зиддисӯхторӣ гуфтанд.
Гуфта мешавад, амалкарди мақомот дар ҳоле сурат гирифтааст, ки аз баргузор шудани як нишасти матбуъотӣ дар рӯзи 23 – юми январ бо ширкати Саидумар Ҳусайнӣ, муъовини аввали раҳбари ҲНИТ, вакилони мудофеъи марҳум Умеҷон Тоҷиев ва наздикони ӯ аз тариқи ВАО як рӯз қабл эълон пахш гардида буд.
Ёдовар мешавем, Умедҷон Тоҷиев дар бемористони марказии Сарраёсати иҷрои ҷазои ҷиноятии Вазорати адлияи ҶТ дар вилояти Суғд, воқеъ дар муассисаи ислоҳии 3/5-и шаҳри Хуҷанд
ба ҳалокат расид.
Вакили мудофеъи марҳум аз мақомоти экспертизаи тиббӣ тақозо кардааст, ки баъд аз ташхиси ҷасади марҳум сабаби марги ӯро мунсифона ва шаффоф иқрор шаванд.
Дар ҳамин ҳол, сардори Раёсати ВКД ҶТ дар вилояти Суғд, генерал-майори милиса Шариф Назаров дар робита ба ин қазия изҳор намуд, ки ӯ
ба иллати бемории дил
фавтидааст.
