Чанде қабл нимаи дуюми рӯз як чинори 20-метраи хушкшуда дар ҳавлии №70-и хиёбони Рӯдакии шаҳри Душанбе ба замин афтид. Хушбахтона, ин замон назди он касе қарор надошт.
Тавре ба «Азия-Плюс» сокинони ин хона хабар доданд, ин дарахт чандест, ки бо садои шикастани танаашу ба замин афтидани шохҳои бузургаш хатарнок будааст. «Дарахти афтида ба қубури таъмини газ зарар расонид, вале тариқи ин қубур кайҳост, ки газ интиқол дода намешавад», – гуфтанд онҳо.
Ба қавли сокинони бино, дар ин майдон то нимаи рӯз кӯдакон бозӣ доштаанд ва бо шунидани овози шикастани дарахту ба замин афтодани он аксари сокинони бино ба берун баромадаанд, вале хадамоти коммуналии ноҳияи Исмоили Сомонӣ ба ин ҳодиса алҳол ҳеҷ таваҷҷуҳе зоҳир накардаанд.
Замони ба ҷойи ҳодиса ҳозир шудан якчанд сокинони кордони бахши хусусӣ дарҳол чӯбу шохҳои афтидаи дарахтро барои ҳезум ҷамъоварӣ доштанд. Сокинони бино аз он дар ташвишанд, ки дар наздикии ҳамин майдон барои кӯдакон боз як дарахти чинори пӯкидаву фарсуда мавҷуд аст.
