Душанбе. 30-уми июл. ОИ «Азия-Плюс» – Субҳи имрӯз кормандони гумруки фурудгоҳи шаҳри Душанбе миқдори зиёди ҳероинро ошкор ва мусодира карданд.
Мусофири хатсайри Душанбе-Санкт-Петербург ният дошт, ба Русия 13 килову
846 грамм
маводи мухаддирро интиқол диҳад. Аз Хадамоти гумруки назди ҳукумати Тоҷикистон хабар доданд, ки ҳангоми азназаргузаронии борхалтаи мусофирони ин хатсайр ҳероин дарёфт ва мусодира карда шуд.
Айни замон нисбат ба ин далел парвандаи ҷиноӣ оғоз гардида, таҳқиқот гузаронида мешавад. Ба иллати он ки тафтишот ҳанӯз идома дорад, аз ифшои ному насаби соҳиби бор худдорӣ карданд.
