Дар семоҳаи аввали соли 2026 ба Тоҷикистон ба маблағи умумии 22,2 млн доллар зиёда аз 24 ҳазор тонна шакар (қанд) ворид шудааст. Арзиши 1 килограмми ин маҳсулот ба ҳисоби миёна тақрибан 0,91 доллар афтидааст.
Тавре ки Хадамоти гумруки Тоҷикистон хабар медиҳад, дар муқоиса ба ҳамин давраи соли гузашта воридот ба таври назаррас кам шудааст. Дар ифодаи пулӣ коҳиш ҳудуди 6,6 млн доллапр ё тақрибан 23%-ро ташкил медиҳад.
Қисмати зиёди воридот ба Русия рост омадааст. Аз ҳаҷми умумии воридот ба маблағи ҳудуди 6 млн доллар наздики 6,6 ҳазор тонна шакар маҳз аз ширкатҳои Русия харида шудааст. Ба ин тариқ, ҳиссаи Русия дар сохтори воридот ҳам аз рӯйи ҳаҷм ва ҳам нарх ҳудуди 27%-ро ташкил додааст.
Ҳаҷми боқимондаи шакар аз дигар кишварҳо харида шудааст, ки ба ҷуғрофифи ба таври кофӣ гуногунсамти воридот гувоҳӣ медиҳад. Бо вуҷуди ин, Русия яке аз шарикони калидии тиҷоратии Тоҷикистон дар бозори шакар боқӣ мемонад.
Дар ҳамин ҳол, дар сохтори содироти шакари Русия Тоҷикистон ҳиссаи начандон зиёд – ҳудуди 4,8% аз рӯйи ҳаҷм ва 3,5% аз рӯйи арзишро дорад. Ин чунин маъно дорад, ки ҷумҳурӣ на воридкунандаи бузурги ин маҳсулот аз Русия, лекин харидори назаррас аст.
Ба сурати умум, Тоҷикистон қариб пурра ба воридоти шакр (қанд) аз хориҷа вобаста аст. Аз рӯйи натиҷаҳои соли 2025 ба ҷумҳурӣ ба маблағи беш аз 191 млн доллар зиёда аз 117,4 ҳазор тонна шакар ворид шуд. Таҳвилгарони асосии ин маҳсулот Русия, Беларус ва Ҳиндустон мебошанд. Ба ҳиссаи Русия ҳудуди 52 ҳазор тонна, Беларус – 28,2 ҳазор тонна ва Ҳиндустон – 16,9 ҳазор тоннаи ин маҳсулоти воридотӣ рост омадааст. Ҳамчунин аз Покистон (9,5 ҳазор тонна) ва Қазоқистон (5,7 ҳазор тонна) миқдори назарраси шакар оварда шудааст.
Аз кишварҳои Озарбоҷон, Эрону Ӯзбекистон, инчунин дигар давлатҳо, аз ҷумла Литва, Латвия, Туркия, Чин, Лаҳистон (Полша) ва Қирғизистон низ миқдори камтари шакар ворид карда мешавад.
