Аз санаи 12 то охири моҳи май дар қаламрави вилояти Суғд марҳилаи якуми амалиёти махсуси «Нелегал – 2014» ҷараён гирифт.
Бино ба иттилои хадамоти матбуоти раиси вилояти Суғд, дар ин давра бо иштироки фаъолонаи кормандони Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд 59 ҳодисаи ҳуқуқвайронкунии маъмурӣ аз тарафи шаҳрвандони хориҷӣ ошкор ва нисбати онҳо парвандаи ҳуқуқвайронкунии маъмурӣ оғоз карда шуд.
Гуфта мешавад, аз ҷумлаи шахсони ба ҳуқуқвайронкунии маъмурӣ роҳдода шаҳрвандони Ҷумҳурии Халқии Чин – 31 нафар, Ҷумҳурии Ӯзбекистон – 5 нафар, Федератсияи Русия – 8 нафар, Афғонистон – 9 нафар, Туркия – 4 нафар ва Қирғизистон – 2 нафарро ташкил медиҳанд.
