Рӯзи 8-уми август дар шаҳри Душанбе Осияи 5-сола, ки дар бинои манзили зисти хоҳарони як сол қабл гумшуда Араловаҳо дар кӯчаи Айнӣ зиндагӣ мекард, бедарак шуд.
Хабари бедаракшавии кӯдак нахуст дар шабакаҳои иҷтимоӣ, аз ҷумла Фейсбук пайдо шуда, аммо мақомоти расмӣ алҳол ба ҳеҷ гунае онро шарҳ намедиҳанд.
Дар Вазорати корҳои дохилии Тоҷикистон аз шарҳи ин масъала худдорӣ мекунанд.
Тибқи маълумоти дар шабаакаҳои иҷтимоӣ интишоршуда, Осияи 5-сола 25-уми апрели соли 2009 ба дунё омада, нимаи рӯзи ҷумъаи ҳафтаи гузашта дар назди манзили зисташ бо суроғаи кӯчаи Айнӣ 32/1 бедарак шудааст.
«Азия-Плюс» ин ҳодисаро пайгирӣ хоҳад кард. Агар касе ин духтарро дида бошад ва ё дар бораи макони будубоши ӯ маълумоте дошта бошад, хоҳишмандем бо телефони 919 29 24 73 ё 904 40 00 77 занг занед.
Дар ҳамин бино хоҳарон Араловаҳои рӯзи 25-уми марти соли 2013 бедаракшуда низ иқомат доштанд, ки то ҳанӯз мақомот онҳоро пайдо карда наметавонанд.
Ёдрас мекунем, ки нимаи дуюми рӯзи 25-уми марти соли 2013 хоҳарон Араловаҳо – Маликаи 6-сола ва Сабинаи 4-сола назди хонаи худ бозӣ дошта, баъди чанде бедарак шуданд. Ҷустуҷӯи онҳо то ҳанӯз идома дорад.
