Рӯзи 8-уми декабри соли равон вазири маскан, хадамоти умумӣ ва шаҳрсозии Ҷумҳурии Арабии Миср Мустафо Мадбулӣ раиси Кумитаи меъморӣ ва сохтмони назди ҳукумати Ҷумҳурии Тоҷикистон Абдувалӣ Комилов ва ҳайати ҳамроҳи ӯро дар Қоҳира ба ҳузур пазируфт. Дар мулоқот сафири Тоҷикистон дар Миср Хусрав Нозирӣ низ иштирок намуд.
Бино ба маълумоти сафорати Тоҷикистон дар Миср, дар мулоқоти мазкур масъалаҳои барқарорсозӣ ва густариши ҳамкории мутақобилан судманди ду ниҳоди мазкур дар заминаҳои меъмориву сохтмон ва масъалаҳои дигари мавриди эҳтимоми тарафайн баррасӣ гардиданд.
Гуфта мешавад, дар ин росто, ҷонибҳо дар бораи зарурати таъсиси комиссияи муштараки байниидоравии ҳамкорӣ изҳори назар карданд.
