Суди вилояти Суғд ду нафар сокинони вилоятро барои куштори бераҳмона ба муҳлатҳои зиёд равонаи зиндон кард.
Тавре ба «Азия-Плюс» раиси мурофиаи мазкур судяи суди вилоят Абдуфайёз Абдуҷабборӣ хабар дод, суд сокинони ҷамоати Ошоби ноҳияи Ашт Ҳошим Камолов ва Раҳмоналӣ Юсуфовро дар куштори бераҳмона гунаҳкор эътироф намуда, онҳоро мутаносибан ба 23 ва 17 соли зиндлони низомаш шадид маҳкум намуд.
Ба гуфтаи судя, моҳи сентябри соли ҷорӣ ин ду нафар бо Шокир Раҳмонов ном шахс ҳамроҳ нӯшокиҳои спиртӣ истеъмол намуда, миёнашон муноқиша сар мезанад ва сипас онҳо дасту пойи Раҳмоновро баста, аз гулӯяш ресмон мегузаронанд. «Баъдан дар чунин ҳолат ӯро дар ҷойи ҳодиса гузошта, худашон аз он ҷо мераванд, ки дар натиҷа Раҳмонов нафасгир шуда ба ҳалокат мерасад», – гуфт судя.
