Агентии назорати давлатии молиявӣ ва мубориза бо коррупсияи ҶИ як гурӯҳи қаллобонеро ошкор намуд, ки ба амалҳои шубҳаноки фурӯши қитъаҳои замин машғул будаанд.
Роҳбарии Агентии зиддифасод Фаттоҳ Ғоиб зимни нишасти хабарии имрӯза дар ин робита изҳор намуд, ки ба ин гурӯҳ як корманди мақомоти прокуратураи шаҳри Душанбе низ шомил будааст, ки боздошт ва дар содир намудани ҷиноят мутобиқи моддаи 247-и Кодекси ҷиноии ҶТ (Қаллобӣ) гумонбар дониста мешавад.
«Аъзои ин гурӯҳ қитъаҳои заминро ҳатто дар дурдасттарин ноҳияҳои ҷумҳурӣ мефурӯхтаанд. Се нафар аз онҳо, аз ҷумла корманди прокуратура низ ба ҳабс гирифта шуданд. Ҳамаи онҳо аз рӯи далели фурӯши қитъаҳои замин дар ноҳияи Рӯдакӣ боздошт гардида, чанд нафари дигарашон мавриди ҷустуҷӯ қарор доранд», – гуфт ӯ.
Зимнан зикр гардид, ки ҳангоми боздошти чанде аз аъзои ин гурӯҳ онҳо ба робитаҳои хешутаборӣ бо президент ишора мекарданд, аммо зимни баёнот додан аз ин «хешутаборӣ» даст кашидаанд. «Айни замон тафтишоти парвандаи мазкур идома дорад», – афзуд номбурда.
