Русия ба Ташкилоти ғизо ва кишоварзии СММ (ФАО) барои кумак ба Тоҷикистону Арманистон ва Қирғизистон 6 млн. доллари ИМА саҳмгузорӣ мекунад.
Қарори марбутаи ҳукумати Русия дар
Портали расмии иттилооти ҳуқуқии ФР
интишор шудааст.
Дар ин санади ҳукумати Русия қайд мешавад, ки «саҳмгузории ихтиёрӣ ба маблағгузорӣ барои кумаки техникӣ ба ҳукуматҳои ин кишвар баҳри таъмини амнияти ғизойӣ ва ҳамчунин рушди устувори бахши кишоварзӣ сурат мегирад».
Гуфта мешавад, муддати се сол бо ин мақсад Русия ҳамасола 2 млн. доллари ИМА маблағ ҷудо мекунад.
Қобили зикр аст, ки Ташкилоти ғизо ва кишоварзии СММ (ФАО) муассисаи пешрафтае мебошад, ки ба ҳалли мушкилоти рушди манотиқи деҳот ва истеҳсолоти бахши кишоварзӣ дар низоми СММ машғул аст.
