ЮНЕСКО (Ташкилоти СММ оид ба масъалаҳои маориф, илм ва фарҳанг) дар бораи оғози корҳои таҳқиқотӣ дар доираи амалисозии лоиҳаи «Экспедитсияи сеюми байнулмилалии баландкӯҳи геофизикии Помир» хабар медиҳад.
Бино ба
иттилои
Радиои СММ, ҳадаф аз лоиҳа баҳодиҳӣ ба оқибатҳои фаъолияти инсон ба минтақаи кӯҳистони Помир аст, ки дар таъмини Осиёи Марказӣ бо об нақши муҳим дорад.
Лоиҳа таҳти сарарастии Барномаи байнулмилалии гидрологии ЮНЕСКО ва Барномаи байнулмилалии илмҳои геологӣ амалӣ мешавад. Коршиносон ба арзёбии ояндаи захираҳои оби Помир дар шароити тағйирёбии иқлим кӯшиш ба харҷ медиҳанд.
Дар доираи амалисозии лоиҳа гирдовариву омӯзиши таҳнишини пиряхҳо дар қисмати марказӣ ва шарқии кӯҳҳои Помир бештар дар қаламрави Тоҷикистон, аз ҷумла дар пиряхи Федченко дар назар аст.
