Таҳти раёсати вазири молияи Тоҷикистон Абдусалом Қурбониён дар Душанбе ҷаласаи сеюми Шӯрои ҳамоҳангсоз оид ба масоили идоракунии молияи давлатӣ доир гардид.
Бино ба маълумоти Котиботи Вазорати молияи Тоҷикистон, дар ҷаласа Нақшаи нави амали Стратегияи идоракунии молияи давлатӣ барои давраи солҳои 2015-2018 баррасӣ ва тасдиқ карда шуд.
Шӯрои ҳамоҳангсоз ҳамчунин Нақшаи амали марҳилаи дуюми ҷорисозии меъёрҳои ҳисоботнокии молиявии бахши давлатии Тоҷикистонро низ тасдиқ намуд.
Дар кори ҷаласаи сеюми Шӯрои ҳамоҳангсоз оид ба масоили идоракунии молияи давлатӣ вазири рушди иқтисод ва савдои ҶТ НеъматуллоҲикматуллозода, вазири адлияи ҶТ Рустам Шоҳмурод, раси Кумитаи давлатии сармоягузорӣ ва идораи амволи давлатии ҶТ Қодири Қосим, муовини аввали раиси Бонки миллии Тоҷикистон Ҷамолиддин Нуралиев ва раҳбарияти дигар вазорату идораҳои дахлдори кишвар, ҳамчунин намояндагони созмонҳои байнулмилалии молиявӣ ширкат варзиданд.
