Дар доираи мубоҳисаҳои умумии иҷлосияи Маҷмаи умумии СММ дар Ню-Йорк вазири корҳои хориҷии Тоҷикистон Сироҷиддин Аслов рӯзи 29 сентябр бо Дабири кулли Созмони амнияту ҳамкории Аврупо (САҲА) Ламберто Занниер дидору гуфтушунид кард.
Бино ба маълумоти Вазорати корҳои хориҷии ҷумҳурӣ, зимни вохӯрӣ ҷонибҳо атрофи вазъи кунунӣ ва дурнамои ҳамкориҳои дуҷонибаи Тоҷикистону САҲА дар самтҳои гуногун ва дигар масоили мавриди таваҷҷуҳи тарафайн табодули назар намуданд.
