Аввали ҳафтаи оянда, санаи 12-уми апрел дар толори Академияи илмҳои Тоҷикистон бахшида ба рӯзи касбии олимон “Рӯзи илм” маҷлиси ботантана баргузор мегардад.
Тавре ки Шервони Умриддин, котиби матбуотии АИ ҶТ гуфт дар маҷлиси ботантана бахшида ба “Рӯзи илм” гузоштани гулчанбарҳо дар пояи нимпайкараҳои олимони барҷастаи тоҷик С.Айнӣ, Б.Ғафуров, С.Умаров ва М.Осимӣ аз соати 08:00 то 09:00 дар назар аст.
Дар оғоз дастовардҳои илмии муассисаҳои илмии АИ ҶТ дар саҳни бинои Раёсати АИ ҶТ нишон дода мешавад.
Маҷлисро бо сухани табрикотӣ президенти АИ ҶТ, академик Фарҳод Раҳимӣ бахшида ба “Рӯзи илм” оғоз мекунад.
Сипас, маросими супоридани дипломҳо ба олимоне, ки дар соли 2016 соҳиби ҷоизаҳои АИ ҶТ ба номи олимони барҷаста ва супоридани дипломҳо ба ректорони муассисаҳои таҳсилоти олии ҷумҳурӣ аз рӯи натиҷаи Олимпиадаи АИ ҶТ барои дарёфти “Ҷоми АИ ҶТ” доир мегардад.
Дар охир маърӯзаҳои илмии олимоне, ки ба ҷоизаҳои олимони барҷаста сарфароз гардида шудаанд, мавриди баррасӣ қарор дода мешавад.
