Ба кормандони Кумитаи ҳолатҳои фавқулода ва мудофиаи гражданӣ (КҲФ ва МГ)-и назди ҳукумати Тоҷикистон наҷоти як духтари мактабхони 16-сола аз шаҳри Ваҳдат аз ғарқшавӣ дар дарёи Кофарниҳон муяясар шуд.
Сухангӯи КҲФ ва МГ Тоҷикистон Ориф Нозимов ба «Азия-Плюс» дар ин робита иттилоъ дод, ки рӯзи 3 май сокини 16-солаи ҷамоати Чорбоғи шаҳри Ваҳдат Мӯниса Сангова ба дарё афтода, каме поинтар аз маҷрои дарё наздикии яке аз бозорҳои шаҳр ӯро аз об берун овардаанд. «Ӯ дар бемористон бистарӣ шуд», – иброз дошт номбурда.
Ҳамчунин ба қавли сухангӯи Кумита, субҳи имрӯз дар кӯчаи Шевченкои пойтахт як дарахте ба болои автомшаинаи тамғаи «Хундай» афтодаааст. «Аз ин ҳодиса касе осеб надида, танҳо ба худи автомашина зиёни зиёд расид», – афзуд О.Нозимов.
Зимнан зикр гардид, ки дар бораи зиёни расида аз боришоти шадиди рӯзҳои 2 ва 3 май то субҳи имрӯз ба КҲФ ва МГ ҷумҳурӣ маълумоте нарасидааст.
