Зимни вохӯрии вазири молияи Тоҷикистон бо ҳайати Бонки ҷаҳонӣ таҳти сарварии намояндаи доимии ин Бонк дар Тоҷикистон Патрисия Виверс-Картер афзалиятҳои сиёсати иқтисодии Тоҷикистон, бахусус масоили марбут ба шароити тадбирҳои андешида ба он дар робита ба тавсияҳои Бонки ҷаҳонӣ баррасӣ шуданд.
Бино ба иттилои котиботи Вазорати молияи ҶТ, дар ҷараёни мулоқот ба амалисозии Барномаи маблағгузорӣ ба сиёсати рушд, ки кумаки иҷтимоии таъиншударо дар бар мегирад, аз ҷумла дастгирии буҷети соли 2016 дар доираи таҳияи ин Барнома аз ҷониби Бонки ҷаҳонӣ таваҷҷуҳ зоҳир шудаааст.
Ҳамчунин қайд шудааст, ки тамоми тадбирҳои аз ҷониби ҳукумат роҳандозишуда ба коҳиши сатҳи камбизоатӣ ва болоравии некӯаҳволии мардум равона гардида, зарурати ҳамоҳангсозии амалисозии барномаҳои минбаъда бо вазорату идораҳои дахлдори кишвар таъкид шудааст.
