АНОНС
– Дар Варзишгоҳи марказии шаҳри Душанбе бозиҳои даври интихобии Чемпионати Осиё – Урдун 2018 миёни мунтахабҳои занон доир мегарданд. Соати 13-00 – бозии Баҳрайн ва Ироқ; соати 16:00 – бозии АМА – Тоҷикистон ва соати 19:00 – вохӯрии Урдун – Филиипин.
ҚУРБИ АСЪОР
Қурби асъор нисбат ба сомонӣ (асъори миллии Тоҷикистон), ки Бонки миллии ҷумҳурӣ ба ин сана муқаррар кардааст:
1 доллари ИМА – 8.4912 сомонӣ;
1 евро – 9.0126 сомонӣ;
1 рубли русӣ – 0.1539 сомонӣ.
ЯК РӮЗИ ТАЪРИХ
Рӯзи қайҳоннавардон.
1941 – Ифтитоҳи Даҳаи нахустини фарҳангу ҳунари тоҷик дар Маскав.
1995 – Мавриди истифода қарор гирифтани низоми ҷустуҷӯйии Yahoo!, ки дар ҷаҳон яке аз писандидаҳо гардид.
2010 — Ҳукумати Тоҷикистон ба Хазинаи байнулмилалии асъор дар бораи қатъ гардидани маъракаи расмии реклама оид ба сохтмони нерӯгоҳи «Роғун» маълумот дод.
2014 — Фаромадани ярч дар деҳаи Одинабойи ҷамоати Саричашмаи ноҳияи Шӯрообод ба ҳалокати 13 нафар азъои як хонавода боис гардида, манзили зисти онҳо зери лойқа монд.
1907 – Зодрӯзи олими адабиётшинос, профессор Шарифҷон Ҳусейнзода.
1912 – Зодрӯзи олим-муаррих, академик Баҳодур Искандаров.
1935 – Мавлуди нависанда, журналист ва арбоби давлатӣ Ибод Файзуллоев.
1939 – Зодрӯзи профессор Ҷумъа Шарифов.
1949 – Мавлуди журналист Мирзои Фирӯз.
1950 – Зодрӯзи нависанда, журналист ва Корманди шоистаи фарҳанги Тоҷикистон Муҳтарам Ҳотам.
1969 – Мавлуди журналист Муҳаммади Эгамзод.
1972 – Зодрӯзи Ҳунарманди шоистаи Тоҷикистон, овозхон Бахтиёр Иброҳимов.
1985 – Мавлуди пианинонавоз Хиромон Расулӣ.
ВАЗЪИ ОБУҲАВО
Дар вилояти Суғд — Обуҳавои тағйирёбанда, аксаран бидуни боришот.
Ҳарорат: дар водиҳо шабона +11+16, рӯзона +19+24; дар доманакӯҳҳо шабона 0+5, рӯзона +10+15.
Дар вилояти Хатлон — Обуҳавои тағйирёбанда, бидуни боришот, чангу ғубор.
Ҳарорат: дар водиҳо шабона +13+18, рӯзона +24+29; дар доманакӯҳҳо шабона +7+12, рӯзона +19+24.
Дар Вилояти Мухтори Кӯҳистони Бадахшон — Обуҳавои тағйирёбанда, аксран бидуни боришот, шабона дар ғарб каме боришот дар назар аст.
Ҳарорат: дар ғарб шабона -1+4, рӯзона +10+15; дар шарқ шабона -6-11, рӯзона 0-5.
Дар Ноҳияҳои тобеи марказ — Обуҳавои тағйирёбанда, шабона дар баъзе ноҳияҳои доманакӯҳ борони кӯтоҳмуддат.
Ҳарорат: дар водиҳо шабона +9+14, рӯзона +22+27; дар доманакӯҳҳо шабона -+3+8, рӯзона +14+19.
Дар шаҳри Душанбе — Обуҳавои тағйирёбанда, бидуни боришот.
Ҳарорат: шабона +10+12, рӯзона +24+26.
Дар шаҳри Хуҷанд — Обуҳавои тағйирёбанда, бидуни боришот.
Ҳарорат: шабона +10+12, рӯзона +21+23.
Дар шаҳри Қӯрғонтеппа — Обуҳавои тағйирёбанда, бидуни боришот.
Ҳарорат: шабона +13+15, рӯзона +27+29.
Дар шаҳри Хоруғ — Обуҳавои тағйирёбанда, шабона борони кӯтоҳмуддат меборад.
Ҳарорат: шабона +2+4, рӯзона +12+14.
