Имрӯз 233 автомашинаи боркаши кумакҳои Президенти кишвар Эмомалӣ Раҳмон ба табибону беморони вилояти Хатлон расид.
Раиси вилояти Хатлон Қурбон Ҳакимзода зимни истиқболи ин кӯмакҳо изҳор дошт, ки аз тарафи Президенти кишвар имрӯз ба вилоят 16 тонна картошка, 16 тонна пиёз, 16 тонна сабзӣ, 13 тонна орд, 9 тонна биринҷ ва 84 тонна макарону равғану марҷумак (гречка) ва дигар навъи маводи озуқа фиристода шуд.
ИЗОБРАЖЕНИЕ
“Аз ин 84 тонна 42 тоннааш ба ду деҳаи ноҳияи Хуросон, ки аз селбориши рӯзҳои 14-16 май зарар дидаанд, фиристода шуд ва 42 тоннаи дигар ба табибону беморон тақсим карда хоҳад шуд”, – қайд кард раиси вилоят.
Қурбон Ҳакимзода ҳамчунин илова кард, ки аз тарафи Президенти мамлакат Эмомалӣ Раҳмон барои аз селбориш зарардидагони ноҳияи Хуросон 78 тонна арматура, 3,7 ҳазор донна шифер, 180 тонна семент ва 750 метри мукааб тахта фиристода шудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
