Бино ба иттилои Сафорати ИМА дар Тоҷикистон, ин нерӯгоҳ дар Тоҷикистон аз ҳама бузургтарин ва дар нуқтаи аз ҳама баландтарини дунё ҷойгиршуда ба ҳисоб меравад. Инчунин лоиҳа нерўгоҳи барқии нигоҳдорандаи нерўро бо тавоноии 180 киловатт-соат дар бар мегирад.
Гуфта мешавад, ки нерўгоҳи офтобии нав натиҷаи ҳамкории бомуваффақият байни Ҳукумати Тоҷикистон, USAID ва ширкати «Помир Энерҷӣ» мебошад. Тибқи дархости Вазорати энергетика ва захираҳои оби Тоҷикистон, USAID насб намудани нерўгоҳро дар Мурғоб пуштибонӣ намуд, то ки иқтидори нерўгоҳи барқии «Тоҷикистон» (собиқ Оқсу) бо иқтидори 1,5 мегаватт, ки дар наздикии он ҷойгир шудааст, афзоиш бидиҳад ва нерўи барқи аз ҷиҳати экологӣ тозаро ба шабакаи барқии маҳаллӣ таҳвил бидиҳад.
Ноҳияи Мурғоб дар Помир ҷойгир шуда аст ва яке аз баландтарин нуқтаҳои аҳолинишини дунё ба ҳисоб меравад. Дар ин ноҳия бештар аз 6000 одам аз манбаъҳои барқтаъминкунии «ПомирЭнерҷӣ» ва шабакаҳои миллии барқӣ, бо сабаби дар баландии 3600 метр будан, дар бунбаст қарор доштанд.
Нерўгоҳи офтобии нав дар Мурғоб дастрасӣ ба нерўи барқро дар давоми рўз то 50 фоиз зиёд мекунад. Ин на танҳо сатҳи зиндагии сокинонро баланд мебардорад, балки барои рушди умумии иқтисоди минтақа мусоидат мекунад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
