Имсол ҷашни Наврӯз дар пойтахт аз 19-ум то 22-юми март бо чорабиниҳои фарҳангӣ, мусобиқаҳои варзишӣ ва барномаи консертӣ таҷлил мешаввад. Дар ин бора аз шаҳрдории Душанбе ба “Азия-Плюс” хабар доданд.
Имсол, ҷашни Наврӯз соати 14:01 дақиқаи рӯзи 20-уми март оғоз мешавад, аммо онро ҳамасола дар Тоҷикистон расман рӯзи 21-уми март ҷашн мегиранд.
Чорабиниҳои асосии наврӯзӣ дар шаҳри Душанбе:
Рӯзи 19-уми март дар пойтахт Форуми IV байналмилалии «Наврӯзи Душанбе – меҳвари робитаҳои фарҳангӣ-сайёҳӣ» баргузор мешавад.
Маросими истиқболи Наврӯз соати 4:00 субҳи рӯзи 21-уми март аз баландтарин нуқтаи шаҳр- Боғи Ғалаба оғоз мешавад. Дар ҳамин рӯз соати 15:00 дар муассисаи давлатии «Наврӯзгоҳ» мусобиқаҳои байналмилалии аспдавонӣ оғоз меёбанд. Инчунин, дар ин рӯз соати 20:00 дар майдони “Истиқлол” консерти идона ва соати 21:00 оташбозии наврӯзӣ (салют) ба нақша гирифта шудааст.
ИЗОБРАЖЕНИЕ
Рӯзи 22-юми март дар Боғи “Ирам” Фестивали байналмилалии сайёҳӣ ва Фестивали таомҳои миллӣ гузаронида мешавад.
Қаблан, шаҳрдории Душанбе хабар дод, ки рӯзи 21-уми марти соли равон дар Майдони “Истиқлол”-и шаҳри Душанбе “Карнавали наврӯзӣ” мегузарад. Вале дертар онро рад карданд.
Зимнан, дар назар аст, ки бахшида ба ҷашни Наврӯз дар тамоми боғҳои фарҳангӣ-фароғатии шаҳр барномаҳои наврӯзӣ доир карда шаванд.
Илова бар ин, аз 15 то 21 март дар кишвар Фестивали ҷаҳонии ҷавонон “Navruz Youth World Festival” низ гузаронида мешавад, ки фаъолон ва ҷавононро аз тамоми ҷаҳон ҷамъ мекунад.
Имсол ҷашни асосии Наврӯз дар Хуҷанд рӯзи 31-уми март бо ширкати президентҳои Тоҷикистон, Ӯзбекистон ва Қирғизистон баргузор мешавад.
Боз чӣ чорабиниҳо мегузарад?
Ҳамчунин, дар рӯзҳои ҷашни Наврӯз дар кишвар як қатор мусобиқаҳои байналмилалии варзишӣ, аз ҷумла мусобиқаҳои анъанавии гӯштингирӣ ва аспдавонӣ мегузарад. Ин чорабиниҳо иштирокчиёнро аз Ӯзбекистон, Қирғизистон, Эрон ва Русия ҷамъ меоваранд.
ИЗОБРАЖЕНИЕ
Дар ҷашни Наврӯз чунин мусобиқаҳои варзишӣ ба нақша гирифта шудааст:
23-26 март – дар ноҳияи Ҷаббор Расулов мусобиқаҳои варзишӣ – сайёҳӣ (бо 55 иштироккунанда аз кишварҳои Ӯзбекистон, Қирғизистон ва Эрон) баргузор мешаванд.
25-27 март – дар шаҳри Истаравшан мусобиқаи гӯштингирӣ (бо 67 иштироккунанда аз кишварҳои Ӯзбекистон, Қирғизистон, Эрон ва Русия) баргузор мегардад.
15-19 март – мусобиқаи байналмилалии теннис дар Хуҷанд (ҳанӯз идома дорад).
Чорабиниҳои варзишӣ дар Тоҷикистон, ки аллакай дар моҳи март гузаштанд:
1-3 март – мусобиқаи байналмилалии шоҳмот дар Исфара.
10-12 март – мусобиқаҳои тирандозӣ бо камон дар вилояти Суғд.
10-14 март – мусобиқаҳои шиноварӣ дар Хуҷанд.
11-13 март – аспдавонии байналмилалӣ дар Бобоҷон Ғафуров.
12-14 март – мусобиқаи байналмилалии волейбол дар байни духтарон дар Исфара.
14-16 март – мусобиқаи байналмилалии мини-футбол дар Хуҷанд.
15 март – веломарафон дар Хуҷанд.
16-17 март – мусобиқаи байналмилалии гӯштингирӣ дар Панҷакент.
